Eaha to roto?

Mau faaho'iraa ê

Tapura tumu parau

Ite no Iehova

Tahiti

Te Pare Tiairaa—Haapiiraa  |  Tiurai 2013

“A hi‘o na i te mau hoho‘a!”

“A hi‘o na i te mau hoho‘a!”

Ehia taime oe i te mana‘oraa aore ra i te parauraa ia vetahi ê i te reira a rave ai i te hoê vea apî? Ua feruri-maitai-hia teie mau hoho‘a nehenehe mau no te haapii e te haaferuri ia tatou. Mea faufaa iho â râ te reira a faaineine e a apiti ai tatou i te Haapiiraa o Te Pare Tiairaa.

Ei hi‘oraa, a feruri no te aha te hoho‘a matamua o te tumu parau taitahi i maitihia ’i no tera e tera tumu parau. Eaha ta te reira e faahoho‘a ra? Eaha to ’na taairaa e te upoo parau aore ra te irava tumu? No te mau hoho‘a atoa, a feruri eaha to ratou taairaa e te tumu parau. Oia atoa e to outou oraraa.

E ani te taeae e faatere ra i te Haapiiraa o Te Pare Tiairaa i te amuiraa ia faataa i te hoho‘a taitahi, ia faaite i te tuatiraa e te tumu parau aore ra ia faataa e nafea ratou taitahi e faufaahia ’i i te reira. I te tahi taime, e faaite mai te pereota i pihaiiho i te hoho‘a i to ’na taairaa e te hoê paratarafa taa maitai. Aita ana‘e râ, na te taeae e faatere i te haapiiraa e faaoti i teihea paratarafa mea au a‘e ai ia aparau no nia i te hoho‘a taitahi. E faufaahia ïa te taatoaraa i tei ravehia no te tauturu i te taata taio ia huti i te haapiiraa itehia i roto i te Bibilia maoti te hoho‘a.

Teie ta te hoê taeae i parau, “I muri a‘e i te taioraa i te hoê tumu parau au mau, na te mau hoho‘a e faanehenehe roa ’tu â i te reira.”