Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA (HAAPIIRAA) TIUNU 2013

Te haamana‘o ra anei oe?

Te haamana‘o ra anei oe?

Ua taio maitai anei oe i te mau numera hopea o Te Pare Tiairaa? A tamata ïa i te pahono i teie mau uiraa:

Eaha te tahi faaohiparaa hape i te Bibilia, e eaha te mana‘o o te mau Kerisetiano no nia i te reira?

O te hohoraraa ïa i te Bibilia ma te tiaturi e e horoa ’tu te irava matamua ta oe i ite i te aratairaa hinaarohia. Eita te mau Kerisetiano mau e imi i te mau tapao. E haapii râ ratou i te Bibilia ia noaa te ite mau e te aratairaa a te Atua.—1 no Titema, api 32.

Eaha te auraa e mou “teie nei ao”?

E mou “teie nei ao,” oia hoi te taatoaraa o te taata aita e ora ra ia au i te hinaaro o te Atua. (Ioa. 1, 2:17) E ora ’tu te huitaata e eita te fenua e mou.—Tenuare – Fepuare, api 5-7.

Noa ’tu e ua pohe Abela, e nafea oia e parau mai ai? (Heb. 11:4)

Maoti to ’na faaroo. E nehenehe tatou e haapii e e pee i to ’na faaroo. Mea ora to ’na hi‘oraa.—Tenuare – Fepuare, api 12.

Eaha vetahi mau tuhaa e ore ai tatou e vaiiho i te tahi noa ’‘e mea ia faaatea ê ia tatou i te Atua?

Teie te tahi mau tuhaa: ta tatou ohipa aore ra toroa, te faaanaanataeraa ta tatou e maiti, te taairaa e te fetii tei tiavaruhia, te faaohiparaa i te mau ravea apî, te haapeapearaa no to tatou ea, te mana‘o hape no nia i te moni e te mana‘oraa e mea ite a‘e tatou.—15 no Tenuare, api 12-21.

Eaha te haapii mai i te haehaa o Mose?

Aita Mose i teoteo no te mea e mana to ’na. Eiaha roa e faateitei ia tatou no te tahi tiaraa aore ra aravihi, e tiaturi ana‘e râ ia Iehova. (Mas. 3:5, 6)—Mati – Eperera, api 5.

Eaha te haapii mai i te “Evanelia a Iuda”?

E papai gnostique Heleni no te mau matahiti 100 te “Evanelia a Iuda.” Te faaite maira râ te reira e ua faatupu mau e rave rahi faahua Kerisetiano e ta ratou mau haapiiraa i te amahamaharaa. Te haapapu mau ra ïa te “Evanelia a Iuda” i ta te Bibilia i faaara na roto i te mau aposetolo. (Ohi. 20:29, 30)—Mati – Eperera, api 15.

Eaha te auraa e mea peritome-ore-hia te mau Iseraela i te aau? (Ier. 9:26)

Mea orure hau e te etaeta ratou. E mea titauhia ia iriti ratou i te mau mea e etaeta ’i to ratou aau. Oia hoi te mau mana‘o, hinaaro aore ra mana‘o turai ta te Atua e ore e au. (Ier. 5:23, 24)—15 no Mati, api 9-10.

Mea nafea Iesu i te faaiteraa e e oraraa oaoa to ’na?

Ta Iesu fa i roto i te oraraa, o te raveraa ïa i to te Atua hinaaro. Ua here mau o ’na i to ’na Metua e i te taata. Ua ite Iesu e te here ra to ’na Metua ia ’na e te fana‘o ra oia i ta ’na farii maitai. Teie te mau ravea faufaa no te fana‘o i te hoê oraraa oaoa.—Me – Tiunu, api 4-5.

O vai ma to roto i te tuhaa o ta te Atua faanahonahoraa i nia i te fenua?

Te Tino aratai, te mau tomite amaa, te mau tiaau ratere, te mau tino matahiapo, te mau amuiraa e te Ite taitahi.—15 no Eperera, api 29.

E haapohe anei te mau Iseraela i te feia ohipa ino ma te rî ia ratou i nia i te pou?

Aita. Ua na reira te tahi atu mau nunaa i tahito ra, eiaha râ te mau Iseraela. I te tau a papaihia ’i te mau Papai Hebera, e haapohehia na mua te feia ohipa ino ma te tui paha ia ratou i te ofai. (Lev. 20:2, 27) Ia oti, e rîhia to ratou tino pohe i nia i te hoê pou ei faaararaa no vetahi ê.—15 no Me, api 13.

No te aha e parau ai e e ere te Atua i te mea ino a faautua ’i?

Aore e mauruururaa to Iehova i te pohe o te taata ino. (Ezk. 33:11) Te faaite ra ta ’na mau haaraa i tahito e ei Atua aroha, e faaara oia i te taata hou a faautua ’i. E e tiaturiraa atoa to tatou no te ora ’tu i ta ’na mau faautuaraa i mua mai.—Tiurai – Atete, api 5-6.

No te aha eita ’i te taata e hopoi mai i te hau i te fenua nei?

Noa ’tu e ua rahi te ohipa faahiahia ta te taata i rave, aita oia i hamanihia no te faatere ia ’na iho. (Ier. 10:23) Na Satani e faatere ra i teie nei ao, eita ïa ta te taata e nehenehe e hopoi mai i te hau. (Ioa. 1, 5:19)—Tiurai – Atete, api 16.