Eaha to roto?

Mau faaho'iraa ê

Tapura tumu parau

Ite no Iehova

Tahiti

TE PARE TIAIRAA (HAAPIIRAA) EPERERA 2013

 UA ITE ANEI OUTOU?

Ua ite anei outou?

Ua patu-faahou-hia anei te hiero i Ierusalema i muri a‘e i te matahiti 70?

UA NA ô Iesu e e ore roa te hoê ofai o te hiero o Iehova e vaiihohia i nia iho i te tahi. Ua tupu teie parau tohu a haamou ai te nuu Roma arataihia e Titus ia Ierusalema i 70 ra. (Mat. 24:2) I muri a‘e, ua faanaho te emepera Julien e patu faahou i te hiero.

O Julien te emepera etene hopea no Roma. Ua fana‘o teie tamaiti fetii a Constantin le Grand i te haapiiraa no ǒ mai i te mau faahua Kerisetiano. A riro mai ai râ ei emepera i 361, ua patoi roa ’tu Julien i ta ratou i haapii atu no te mau haapiiraa a te mau etene. Te pii ra te mau buka tuatapaparaa ia ’na “te Apotata.”

Mea riri roa na Julien te Kerisetianoraa. Teie paha te tahi tumu: I te onoraa o to ’na matahiti, ua ite o ’na i te mau faahua Kerisetiano ia haapohe i to ’na papa e fetii. Ia au i te feia tuatapapa o te ekalesia, ua faaitoito Julien i te mau ati Iuda ia patu faahou i te hiero no te haapapu e e peropheta haavare o Iesu. *

Aita e feaaraa e ua faanaho Julien e patu faahou i te hiero. Aita râ te feia tuatapapa i papu e ua haamata anei o ’na i te ohipa paturaa. Mai te peu e e, aita i itehia te tumu i faaea ’i tera ohipa. Te mea papu râ, aita i naea ia Julien e piti matahiti manaraa, ua haapohehia o ’na e aita te hiero i patu-faahou-hia.

Hoho‘a o te hiero mai i te tau o Iesu i nia i te hoê hoho‘a o tera noâ vahi i teie nei tau

^ par. 5 Aita Iesu i parau e eita roa ’tu te hiero e patu-faahou-hia, e haamou-roa-hia râ te reira. Te ohipa ïa i tupu i 70 ra.