Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA (HAAPIIRAA) TENUARE 2013

Faahopearaa maitai o te hoê opereraa faanaho-maitai-hia

Faahopearaa maitai o te hoê opereraa faanaho-maitai-hia

E taata poro apî itoito mau o María Isabel i roto i te oire o San Bernardo i Tireni, i Marite Apatoa. E taata tumu o ’na e to ’na utuafare o te nunaa Mapuche. Ua oaoa te utuafare atoa i te turu i te mau tutavaraa no te haamau i te hoê amuiraa apî na roto i te reo Mapuche, parau-atoa-hia te Mapudungun.

I te faaiteraahia e e tupu atoa te Oroa haamana‘oraa i te poheraa o te Mesia na roto i te reo Mapudungun e ua piahia 2 000 titau-manihini-raa na roto i tera reo, ua feruri María Isabel i ta ’na e nehenehe e rave no te tauturu. Ua haamana‘o o ’na i te mau faatiaraa a te tahi atu mau Ite apî o tei ite i te mau faahopearaa maitai a poro ai i te mau hoa haapiiraa e orometua. Tauaparau atura o ’na e to ’na na metua e faaoti a‘era ratou e e tamata María Isabel i te feruri e nafea ia opere i te mau titau-manihini-raa i te fare haapiiraa. Ua nafea oia?

Ua ani na mua María Isabel i te feia faatere haapiiraa te parau faatia e tuu i te hoê titau-manihini-raa i nia i te uputa tomoraa rahi o te fare haapiiraa. Ua farii ratou a haapopou atu ai ia ’na no ta ’na e rave ra. I te hoê poipoi, i te taime e piihia ’i te i‘oa, ua faatae te faatere o te fare haapiiraa i te hoê parau faaite no nia i te titau-manihini-raa na roto i te tao‘a haapuroro reo!

Ani atura María Isabel e e nehenehe anei o ’na e haere na te mau piha atoa. Ua faatia te mau orometua e ua ani atura o ’na i te piha taitahi e e piahi Mapuche anei vetahi o ratou. Te na ô ra oia: “No ’u, 10 aore ra 15 noa paha piahi i roto i te fare haapiiraa e utuafare Mapuche to ratou. Mea rahi roa râ! I te pae hopea ua horoa vau 150 titau-manihini-raa!”

“UA MANA‘O OIA E ITE I TE HOÊ TAATA PAARI A‘E”

Ua ite te hoê vahine i te titau-manihini-raa i te uputa tomoraa o te fare haapiiraa e ua ani o vai te farerei no nia i tera tupuraa. A feruri na i to ’na maere a arataihia ’i oia i te hoê tamahine ahuru noa matahiti! Ma te mata ataata, te na ô ra María Isabel: “Ua mana‘o oia e ite i te hoê taata paari a‘e.” Ua horoa ’tu María Isabel i te hoê titau-manihini-raa e te hoê faataaraa poto a ani atu ai ihea o ’na e faaea ’i ia nehenehe o ’na e to ’na na metua e farerei ia ’na no te faaite hau atu â no nia i te Basileia o te Atua. Eaha râ na 20 taata poro o te tuhaa fenua reo Mapudungun i te oaoa i te ite i tera vahine e e 26 taata anaanatae Mapuche i te Oroa haamana‘oraa! E amuiraa ruperupe tera pǔpǔ i teie nei!

Noa ’tu ehia matahiti to oe, e nehenehe anei oe e na reira atoa no te titau manihini i to oe mau hoa haapiiraa aore ra hoa rave ohipa i te Oroa haamana‘oraa, i te hoê oreroraa parau no te taatoaraa aore ra i te hoê tairururaa mataeinaa? No te aha e ore ai e maimi i te mau faatiaraa i roto i ta tatou mau papai o te tauturu ia oe ia ite e nafea ia manuïa i tera huru faanahoraa? A ani atoa i to Iehova varua mo‘a na roto i te pure no te tauturu ia oe ia itoito atu â no te faaite i to ’na i‘oa. (Luka 11:13) Ia na reira oe, e maere roa oe e e itoito-atoa-hia oe i te mau faahopearaa o ta oe mau tutavaraa faanaho-maitai-hia.