Eaha to roto?

Mau faaho'iraa ê

Tapura tumu parau

Ite no Iehova

Tahiti

Te Pare Tiairaa  |  No 6 2017

 TUMU PARAU MATAMUA | EAHA TE Ô FAUFAA ROA ’‘E?

“Tera te ô maitai roa ’‘e ta ’u i fana‘o!”

“Tera te ô maitai roa ’‘e ta ’u i fana‘o!”

O ta te tahi ïa tamahine 13 matahiti i parau i te horoaraahia te hoê urî na ’na. Ua parau te tahi vahine e toroa fana‘o to ’na i teie nei, ua taui roa to ’na oraraa a horoa ’i to ’na papa i te hoê matini roro uira na ’na i te haapiiraa tuarua. Area no te tahi tane faaipoipo apî, ua riro te api parau hamanihia e ta ’na vahine no te matahiti matamua o to raua faaipoiporaa ei ô maitai roa ’‘e.

I te mau matahiti atoa, e faataa te taata e rave rahi taime no te imi eaha te ô maitai roa ’‘e e horoa na te hoa aore ra na te fetii. E hinaaro te rahiraa ia faahiti te taata o te fana‘o i te ô i te mau parau mai te itehia i nia ’tu. E oe, e hinaaro atoa anei oe e horoa e e fana‘o i te ô o te faatupu i te oaoa mau?

Tera iho â ta tatou e hinaaro, ia oaoa tei fana‘o i te ô, oia atoa râ tei horoa ’tu i te reira. Te na ô ra hoi te Bibilia: “E rahi a‘e te oaoa ia horoa ’tu i te horoahia mai.” (Ohipa 20:35) E rahi roa ’tu â râ te oaoa o tei horoa ’tu i te ô ia haafaufaa mau tei fana‘o i te reira.

E nafea ïa oe e te taata ta oe e horoa ’tu i te ô e ite ai i tera huru oaoa? E mai te peu e eita e nehenehe e horoa i te ô maitai roa ’‘e, eaha te tia ia rave ia haafaufaa-mau-hia te reira?