Eaha to roto?

Mau faaho'iraa ê

Tapura tumu parau

Ite no Iehova

Tahiti

Te Pare Tiairaa  |  No 5 2017

 TUMU PARAU MATAMUA | TE MAU MELAHI, MEA MAU ANEI RATOU? MEA FAUFAA ANEI IA ITE?

E melahi tiai anei to tatou tataitahi?

E melahi tiai anei to tatou tataitahi?

Aita te Bibilia e haapii ra e melahi tiai to te taata tataitahi. Parau mau, ua na ô Iesu: “Eiaha ïa outou e vahavaha hoê o teie feia e au i te tamarii rii [te mau pǐpǐ a te Mesia], te parau atu nei hoi au ia outou e e tia noa to ratou mau melahi i nia i te ra‘i i mua i te aro o to ’u Metua i te ra‘i.” (Mataio 18:10) E ere te auraa e melahi tiai to tatou paatoa, ua hinaaro noa Iesu e parau e mea anaanatae na te mau melahi i ta ’na mau pǐpǐ atoa. No reira, eita te mau tavini a te Atua e rave i te ohipa haapaoraa ore e te atâta ma te mana‘o e e paruruhia ratou e te mau melahi.

E ere râ te auraa eita te mau melahi e tauturu i te taata. (Salamo 91:11) Ua itoitohia vetahi i te iteraa ua tauturu e ua aratai te Atua ia ratou maoti ta ’na mau melahi. Mai tera te huru o Kenneth tei faahitihia ’tu i te tuhaa matamua o teie tumu parau. E aita roa ’tu o ’na i hape i te mana‘oraa mai tera. E pinepine te mau Ite no Iehova i te ite i te haapapuraa ua tauturu atu te mau melahi i roto i te ohipa pororaa. Eita te mau melahi e ite-mata-hia. Eita atoa ïa tatou e nehenehe e ite eaha mau ta te Atua i ani atu ia rave no te tauturu i te taata i roto i tera e tera tupuraa. Te mea papu, mea tia roa ia haamauruuru i tei Teitei no te mau mea atoa ta ’na e rave no te tauturu ia tatou.—Kolosa 3:15; Iakobo 1:17, 18.

 

No te ite atu â

EAHA TA TE BIBILIA E HAAPII MAU RA?

Te mau varua—To ratou mana i nia ia tatou

Te faahiti ra te Bibilia i te parau o te mau melahi e te mau demoni. Mea mau anei teie mau varua? E mana anei to ratou i nia i to oe oraraa?