Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA No 5 2016

Eaha te Basileia o te Atua?

Eaha te Basileia o te Atua?

Eaha te Basileia o te Atua?

TE MANA‘O O VETAHI Te hoê mea i roto i te aau o te taata. Area te tahi atu, o te ravea ta te taata e faaohipa no te hopoi mai i te hau e no te tahoê i te huitaata. Eaha to oe mana‘o?

TA TE BIBILIA E PARAU RA

“E faatupu . . . te Atua o te ra‘i ra i te hoê basileia [aore ra Faatereraa arii], o te ore roa ïa e mou, e ore roa hoi e riro ia vetahi ê; e hope roa hoi taua mau basileia [a te taata] ra i te parari e e pau.” (Daniela 2:44) E faatereraa mau te Basileia o te Atua.

EAHA ’TU Â TA TE BIBILIA E HAAPII MAI RA?

  • Mai te ra‘i mai te Faatereraa arii a te Atua e faatere mai ai.—Mataio 10:7; Luka 10:9.

  • Tera te ravea ta te Atua e faaohipa no te faatupu i to ’na hinaaro i te ra‘i e te fenua.—Luka 11:2.

Afea te Faatereraa arii a te Atua e tae mai ai?

E PARAU ANEI OE . . .

  • Aita hoê a‘e taata i ite

  • Fatata roa

  • Eita roa e tae mai

TA TE BIBILIA E PARAU RA

“E parau-haere-hia te evanelia o te basileia nei e ati noa ’‘e teie nei ao, ia ite te mau fenua atoa: o te hopea ihora ïa i reira ra.” (Mataio 24:14) Ia faaitehia te parau apî oaoa i te feia o te mau fenua atoa, i reira te Faatereraa arii a te Atua e tae mai ai no te haamou i teie nei ao ino.

EAHA ’TU Â TA TE BIBILIA E HAAPII MAI RA?

  • Aita hoê a‘e i nia i te fenua o tei ite papu i te taime e tae mai ai te Faatereraa arii a te Atua.—Mareko 13:32.

  • Te faaite ra te mau parau tohu fatata te Faatereraa arii a te Atua i te tae mai.—Mataio 24:3, 7, 12.