Eaha to roto?

Mau faaho'iraa ê

Tapura tumu parau

Ite no Iehova

Tahiti

Te Pare Tiairaa  |  No 4 2017

Mea faufaa roa ia ani e ia faaite mai te taata ma‘i i to ’na mau hinaaro hopea

Ia pohe mǎrû noa tei herehia no te ma‘i

Ia pohe mǎrû noa tei herehia no te ma‘i

UA HITIMAHUTA roa Dorina i te iteraahia e ma‘i roro ino roa to ta ’na tane, e 54 noa matahiti to Willy. * Ua parau te mau taote, tau ava‘e noa te toe ra ia ’na. Te na ô ra Dorina: “Ua hitimahuta roa vau i tei faaitehia mai. I te mau hebedoma i muri mai, aita vau i taa faahou e nafea râ. E au e, no te tahi atu tera fifi, e ere o mâua tei roto i tera tupuraa. Aita roa ’tu vau i ineine no te reira.”

E ere râ o Dorina ana‘e te faaruru i tera tupuraa fifi mau. E nehenehe te taata atoa e roohia i te hoê ma‘i ino mau e aita e ravea faahou no ratou. E ere roa ’tu i te ohipa nainai ia haapao i te fetii aore ra hoa here i roto i tera tupuraa. Noa ’tu râ, e rave rahi tei farii i te aupuru atu e e nehenehe mau ratou e haapopouhia. Eaha ta te fetii e nehenehe e rave no te tamahanahana e aupuru i tei fatata i te pohe? Eaha te tauturu i te taata haapao ia faaoromai a ite ai oia i te taata ma‘i ia pohe mǎrû noa ’tu? Na te aha e faaite mai te faarue mai ra te taata ma‘i? Na mua, e hi‘o ana‘e no te aha e tupuraa taa ê mau i teie mahana ia aupuru i tei fatata i te pohe.

FAAOTIRAA FIFI MAU IA RAVE I TEIE TAU

Ia ho‘i tatou hanere matahiti i muri, i pohe oioi na te feia no te ma‘i e no te tahi ati noa ’tu te ora ra ratou i te mau fenua mea navai maitai te taata. Na mua ’‘e, e ere pauroa te nehenehe e haere i te fare ma‘i. I te rahiraa o te taime, na te fetii e haapao i te taata ma‘i i te fare tae roa ’tu i to ’na poheraa. No te mau ravea apî râ i te pae o te rapaauraa, ua taui roa te tupuraa i teie mahana.

I teie tau, e nehenehe te mau taote e tamata i te tahi mau ravea no te tapea i te ma‘i ia ore te reira ia rahi atu â. E ora maoro rii a‘e ïa te taata o tei roohia i te ma‘i ia faaauhia i na mua ’‘e. E ere râ te auraa, ua ore te ma‘i. E pinepine hoi te tino o te taata ma‘i i te haaparuparu, eita ’tura ratou e nehenehe e faaea o ratou ana‘e, e titauhia râ te tauturu a te tahi atu taata. E ere roa ’tu i te mea  ohie ia haapao i te taata ma‘i i roto i tera tupuraa e mea rohirohi atoa.

Te rahi noa ’tu ra te taata o te pohe i te fare ma‘i i to ratou fare. Aita te rahiraa i ite i te mau mea o te tupu hou te hoê a pohe ai. Mea iti roa tei ite mata roa ’tu i te tahi taata ia pohe mǎrû noa. No reira, e otohe aore ra eita paha te fetii e taa eaha râ te rave no te haapao i te taata ma‘i o te pohe mǎrû noa ’tura. Eaha te nehenehe e tauturu atu ia na reira?

A FAAINEINE OIOI

Mai i roto i te tupuraa o Dorina, e rave rahi o te hepohepo roa ino ia parauhia ’tu aita e ravea faahou no te rapaau i te taata herehia e ratou. E ahoaho, e riaria e e oto atoa paha oe ia farerei oe i tera tupuraa, eaha ïa te nehenehe e tauturu atu i mua i te tiai mai ra ia oe? Ua pure te tahi tavini taiva ore i te Atua ma te na ô: “E haapii mai ia matou i te taio i to matou pue mahana, ia riro to matou aau i te haapao maitai.” (Salamo 90:12) A taparuparu i te Atua ra o Iehova ia faaite atu e nafea ia ‘taio i to oe pue mahana’ ma te paari. E tauturu atu te reira ia haafaufaa i te taime e toe ra no te rave i te maraa ia oe no te aupuru e tamahanahana maite i tei herehia.

E titauhia ia faaineine maitai. Mai te peu e nehenehe noa â i te taata ma‘i e paraparau e e farii oia i te na reira, a ani o vai ta ’na e maiti no te rave i te faaotiraa ia ore noa ’tu o ’na e nehenehe e paraparau. Mea maitai atoa ia ani roa ’tu: “E hinaaro anei oe ia imihia te mau ravea atoa no te faaora faahou mai ia oe? E farii anei oe ia tapeahia oe i te fare ma‘i? Eaha te mau ravea rapaauraa ta oe e farii?” Ma te ore e taiâ i te aparau no nia i tera mau mea, e taa maitai i te fetii to ’na hinaaro e eita atoa ïa ratou e faahapa no te mau faaotiraa ta ratou e rave no ’na. Te parau ra te Bibilia: “Aore i paraparau atoa ra e ore tei mana‘ohia ra e tupu.” (Maseli 15:22) Ma te ani oioi i te taata ma‘i ia paraparau no nia i tera mau ohipa, eita te fetii e haapeapea faahou no te reira i muri a‘e. E nehenehe ïa ratou e haapao noa i te aupururaa ia ’na e tae roa ’tu i te taime hopea.

EAHA TE RAVE NO TE TAMAHANAHANA I TE TAATA MA‘I?

Te tuhaa matamua a te taata haapao, o te tamahanahanaraa ïa. A haapapu atu mea here na te taata ia ’na e eita o ’na e faaruehia. Eaha te nehenehe e rave? A taio e a himene i te tahi mea o te faaitoito e te faaoaoa ia ’na. Mea au roa atoa na ratou ia tapeahia to ratou rima e ia paraparau te utuafare ia ratou ma te mǎrû.

 Mea maitai atoa ia faaite o vai te haere mai ra e hi‘o ia ratou. Ia au i te tahi hi‘opoaraa, e faaroo noa â te tari‘a o te taata i mo‘e te hiroa. E nehenehe hoi oia e faaroo maitai noa ’tu ia hi‘ohia ’tu, e au ra ua taoto. Eiaha ïa e parau i te tahi mea i pihai iho ia ratou o ta tatou e ore e faahiti ua ara ana‘e mai ratou.

Ia nehenehe, a pure na muri iho ia ’na. Te faatia ra te Bibilia i te tahi mahana, ua ahoaho roa ino te aposetolo Paulo e to ’na mau hoa no to ratou ora. Eaha te tauturu ta ratou i hinaaro? Ua parau Paulo i to ’na mau hoa: “E nehenehe atoa outou e tauturu mai ma te taparuparu noa no matou na roto i te pure.” (Korinetia 2, 1:8-11) Mea faufaa mau ïa te pure haavare ore i te mau taime ahoaho e ia roohia tatou i te ma‘i ino mau.

E ERE I TE MEA OHIE IA FARII

E hepohepo te noaa mai i te mana‘o-noa-raa te pohe mǎrû noa ’tura tei herehia e tatou. Aita tatou i hamanihia no te pohe. (Roma 5:12) No reira te Bibilia e parau ai e “enemi” te pohe. (Korinetia 1, 15:26) Te taahia ra ïa no te aha e ere i te mea ohie ia farii e pohe tei herehia e tatou.

Ma te faaineine oioi râ, e nehenehe te reira e tamǎrû i te utuafare a taa ’tu ai ia ratou eaha te rave i mua i te tupu i muri a‘e. Te faahitihia ra vetahi tupuraa o te itehia i roto i te tumu parau “Te mau mahana hopea hou a pohe ai.” Eita te mau tuhaa o tera tapura e tupu i nia i te feia ma‘i atoa, eita atoa te reira e tupu mai ia au i tei tapurahia. I te rahiraa râ o te taime, tera tei itehia hou te taata ma‘i a faarue mai ai.

Ua pohe ana‘e tei herehia, mea maitai ia paraparau i te tahi hoa piri o tei farii ê na i te tauturu mai. E hinaaro te mau taata haapao e te utuafare ia parau atu te tahi aita te taata ma‘i e mauiui faahou ra. Ma te here, te haapapu mai ra to tatou Atua poiete “aita . . . a te feia i pohe ra e parau itea.”—Koheleta 9:5.

TA TE ATUA AUPURU TE MEA MAITAI ROA ’‘E

E nehenehe tatou e haapii i te farii i te tauturu a vetahi ê

Mea faufaa roa ia tiaturi i te Atua, eiaha noa i te taime a haapao ai i te taata ma‘i, i muri mai atoa râ i to ’na poheraa. E nehenehe te Atua e turai ia vetahi ê ia faahiti i te mau parau e ia rave i te ohipa o te tamahanahana ’tu. Te na ô ra o Dorina: “Ua haapii au i te farii i te tauturu a vetahi ê. Ua rahi a‘e te tauturu ta mâua i fana‘o i ta mâua i mana‘o na. Ua papu maitai ia mâua te parau mai ra o Iehova, ‘Tei pihai iho vau ia orua, na ’u e tauturu atu.’ Eita roa te reira e mo‘e ia ’u!”

Eita te aupuru a Iehova e nehenehe e faaauhia i ta te tahi noa ’tu taata haapao e rave. Na ’na i hamani ia tatou, e taa ia ’na i to tatou mauiui e oto. E nehenehe ta ’na e te hinaaro atoa ra o ’na e horoa mai i te tauturu e te tamahanahanaraa ia tia ia tatou ia faaoromai. Te mea faahiahia roa ’tu â, ua fafau oia i te haamou i te pohe e te faatia mai i te mau miria taata o tei pohe. (Ioane 5:28, 29; Apokalupo 21:3, 4) I tera taime, e nehenehe tatou paatoa e faahiti atoa i teie mau parau a te aposetolo Paulo: “Pohe, teihea ta oe re? Pohe, teihea to oe tara?”—Korinetia 1, 15:55.

^ par. 2 Ua tauihia te mau i‘oa.

No te ite atu â

TE PARE TIAIRAA

E ati te taata maitai: No te aha?

Te faaite ra te Bibilia e toru tumu e mauiui ai te taata.