Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA No 4 2016

 TUMU PARAU MATAMUA | TE BIBILIA: UA TAE ROA MAI IA TATOU

No te aha ua tae roa mai ia tatou?

No te aha ua tae roa mai ia tatou?

E nehenehe tatou e fana‘o e e taio i te reira i teie mahana. Ia maiti oe i te tahi huriraa Bibilia maitai, ua papu ia oe o te mau papai tahito roa o te Parau a te Atua ta oe e taio ra. * No te aha râ te Bibilia i tae roa mai ai ia tatou noa ’tu ua pê te mau otaro matamua, noa ’tu te patoiraa rahi e te mau tamataraa a te taata no te taui i ta ’na poroi? Mea maere mau te mau tupuraa ta te Bibilia i faaruru! Eaha te taa-ê-raa o tera buka?

“Ua papu ia ’u i teie nei, e ô no ǒ mai i te Atua ta ’u Bibilia”

E rave rahi feia haapii Bibilia o te tiaturi ra mai te aposetolo Paulo o tei papai: “Te mau parau mo‘a atoa i papaihia ra e mea faaurua mai ïa e te Atua.” (Timoteo 2, 3:16) Ua papu ia ratou, ua tae roa mai te Bibilia ia tatou no te mea o te Parau a te Atua te reira e na ’Na i vai ara ia fana‘o tatou i teie mahana. Haamana‘o na ia Faizal tei faahitihia i te tuhaa matamua o teie tumu parau. Ua faaoti o ’na i te hi‘opoa ua tano anei to ’na mana‘o no nia i te Bibilia. Ua haapii oia i te reira e ua maere roa i ta ’na i ite. Ua taa ia ’na i muri iho, aita i roto i te Bibilia te mau haapiiraa ta te Amuiraa faaroo Kerisetiano i haaparare. Ua putapû roa atoa oia i te ite i te opuaraa a te Atua no te fenua mai tei faaitehia i roto i ta ’Na Parau.

Te na ô ra Faizal: “Ua papu ia ’u i teie nei, e ô no ǒ mai i te Atua ta ’u Bibilia. Ia feruri tatou, mai te peu e nehenehe ta te Atua e hamani i te ao nui, aita anei to ’na e mana no te horoa mai e no te paruru i te hoê buka? Aita ana‘e, mai te huru te parau ra tatou mea iti te puai o te Atua Mana hope! O vai hoi au no te faahiti i te parau mai tera?”—Isaia 40:8.

^ par. 3 A hi‘o i te tumu parau “E nafea ia maiti i te tahi huriraa Bibilia maitai?” i roto i Te Pare Tiairaa o te 1 no Me 2008 (Farani).