Eaha ta te Bibilia e parau ra?
Na vai i haamau i te haapaoraa?
TE PARAU RA VETAHI: Na te taata. Area te tahi atu, te mana‘o ra e ravea tera ta te Atua e faaohipa ra ia haafatata te taata ia ’na. Eaha to oe mana‘o?
EAHA TA TE BIBILIA E PARAU RA?
Te vai ra “te paieti [aore ra haapaoraa] mau e te ino ore i mua i te aro o te Atua, o to tatou Metua.” (Iakobo 1:27) Na te Atua ïa i haamau i te haapaoraa mau.
EAHA ’TU Â TA TE BIBILIA E HAAPII MAI RA?
E farii te Atua i te tahi haapaoraa ia niuhia te reira i nia i te parau mau Bibilia.—Ioane 4:23, 24.
Mea faufaa ore te mau haapaoraa o tei niuhia i nia i te mau mana‘o taata.—Mareko 7:7, 8.
E titauhia anei ia riro ei mero no te tahi haapaoraa?
E PAHONO ANEI OE?
E
Eita
Tei te huru
EAHA TA TE BIBILIA E PARAU RA?
“E haapao maite â tatou te tahi i te tahi, a faaaraara ’tu ai ia rahi te aroha, o te rave i te mau ohipa maitatai ra: eiaha hoi e faarue i ta tatou haaputuputuraa.” (Hebera 10:24, 25) Te hinaaro ra te Atua ia putuputu ta ’na mau tavini ei pǔpǔ faanahohia.
EAHA ’TU Â TA TE BIBILIA E HAAPII MAI RA?
Hoê â tiaturiraa ta te feia o te haamori amui ra i te Atua.—Korinetia 1, 1:10, 11.
E riro te mau mero o te haapaoraa ta te Atua e farii ei huitaeae na te ao nei.—Petero 1, 2:17.