Eaha to roto?

Mau faaho'iraa ê

Tapura tumu parau

Ite no Iehova

Tahiti

TE PARE TIAIRAA No 4 2016

Te hi‘opoaraa faufaa roa ’‘e ta oe e rave

Te hi‘opoaraa faufaa roa ’‘e ta oe e rave

E PARAU anei oe e Kerisetiano oe? Mai te peu e, tei rotopu oe i na piti miria tiahapa taata na te ao o te parau ra e pǐpǐ ratou na te Mesia. Hoê ïa taata i nia e toru o te pahono mai tera! I teie mahana, e tausani pǔpǔ faaroo o te piihia Kerisetiano, mea taa ê râ ta ratou mau haapiiraa e to ratou mau mana‘o. Mea taa ê roa paha ta oe mau tiaturiraa i ta te tahi atu mau taata o te parau ra e Kerisetiano ratou. Mea faufaa anei ia hi‘opoa i ta oe mau tiaturiraa? E, mai te peu iho â râ te hinaaro ra oe e haapao i ta te Bibilia e haapii ra.

I piihia na te mau pǐpǐ matamua a Iesu Mesia, “Kerisetiano.” (Ohipa 11:26) Aita e faufaa ia horoa i te i‘oa ê no ratou, hoê ana‘e hoi faaroo Kerisetiano i tera tau. Mea hoê te mau Kerisetiano no te mea ua haapao ratou paatoa i te mau haapiiraa e faaueraa a Iesu Mesia tei haamau i te amuiraa Kerisetiano. E no ta oe haapaoraa? Te haapii ra anei i ta te Mesia i haapii? Eaha te mau tiaturiraa a te mau pǐpǐ matamua a Iesu? E nafea ia papu i te reira? Hoê ana‘e ravea, e hi‘opoa i ta te Bibilia e parau ra.

 A hi‘o na: Mea faatura roa na Iesu Mesia i te mau Papai, te Parau a te Atua. Mea au ore roa na ’na te feia o tei haafaufaa a‘e i te mana‘o taata i te mau haapiiraa Bibilia. (Mareko 7:9-13) Mea tano ïa ia parau, ua niuhia te mau tiaturiraa a te mau pǐpǐ mau a Iesu i nia i te Parau a te Atua. Mea maitai ia uiui te mau Kerisetiano atoa, ‘Ua niuhia anei te mau haapiiraa a ta ’u haapaoraa i nia i te Bibilia?’ No te pahono i tera uiraa, no te aha e ore ai e faaau i ta ta oe haapaoraa e haapii ra e ta te Bibilia e parau ra?

Ua faaite Iesu e tia ia haamori i te Atua ma te parau mau o te itehia i roto i te Bibilia. (Ioane 4:24; 17:17) E ua parau te aposetolo Paulo, e faaorahia tatou “ia noaa te ite i te parau mau.” (Timoteo 1, 2:4) Mea faufaa roa ia niuhia ta tatou mau tiaturiraa i nia i te parau mau papu a te Bibilia. No te aha? Ia ora tatou!

E NAFEA IA FAAAU I TA OE MAU TIATURIRAA E TE BIBILIA?

A taio e a feruri maite na i na ono uiraa e te pahonoraa a te Bibilia. I muri iho, a uiui ia oe, ‘Ua tano anei ta ta ’u haapaoraa e haapii ra i ta te Bibilia e parau ra?’

Mea faufaa roa te hi‘opoaraa o ta oe e rave maoti teie mau mana‘o. E farii anei oe i te faaau i te tahi atu haapiiraa a ta oe haapaoraa e ta te Bibilia e haapii ra? E oaoa roa te mau Ite no Iehova i te tauturu ia oe ia hi‘opoa i te parau mau papu i roto i te Bibilia. No te aha e ore ai e ani i te hoê haapiiraa Bibilia tamoni ore i te tahi Ite no Iehova? Aita ana‘e, a hi‘o i nia i ta matou reni jw.org/ty.

 

No te ite atu â

UIRAA A TE TAATA

Eaha te mau tiaturiraa a te mau Ite no Iehova?

A hi‘o na 15 o ta matou mau tiaturiraa.