Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA (HAAPIIRAA) TENUARE 2017

Ua ite anei oe?

Ua ite anei oe?

E nafea te taata i tahito ra e faaama ’i i ta ratou auahi ia ratere ratou?

I roto i te Genese pene 22, te parau ra te Bibilia e ua faaue te Atua ia Aberahama ia haere i te hoê vahi atea roa i to ’na fare no te pûpû i te hoê tusia. Te parauhia ra: “Ua rave ihora Aberahama i te vahie no taua tusia taauahi ra, ua tuu atura i nia i ta ’na tamaiti ia Isaaka; ua rave ihora i te auahi e te tipi i tana rima; haere atura raua atoa.”—Gen. 22:6

Aita te Bibilia e faataa ra mea nafea te taata i te tau tahito ra i faaama ’i i te auahi. Ua faaama anei ïa o Aberahama raua Isaaka i te auahi, a ta‘ita‘i atu ai i te reira na muri ia raua? Ua parau te hoê taata ite i te Bibilia e eita te hoê auahi e nehenehe e “tapea i te roaraa o tera tere roa.” Eita râ e ore e ua afai Aberahama e ta ’na tamaiti i te mau mea e hinaarohia no te faaama i te hoê auahi.

Te parau nei râ vetahi e e ere i te mea ohie ia faaama i te hoê auahi i tera tau. Mai te peu e nehenehe, e rave noa ïa te taata i te hoê arahu veavea o tei ama a‘ena i te auahi, no te faaama i ta ratou auahi. E ravehia mai paha tera arahu i roto i te auahi a te hoê taata tapiri. E rave rahi taata îite te tiaturi nei e ua rave Aberahama i te arahu veavea i roto i te hoê auahi hou oia a haere ai. Ua tuu paha oia i te reira i roto i te hoê farii, peneia‘e te hoê pani faatarerehia i nia i te hoê fifi, a amo noa ’tu ai i taua pani ra i te roaraa o to ’na tere. (Isa. 30:14) I muri iho paha ïa o ’na i te faaohiparaa i te tahi mau paehaa raau mǎrô e te arahu veavea no te faaama i ta ’na auahi.