Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! NOVEMA 2015

 IA AU I TE BIBILIA

Mea tupu noa te mau mea

Mea tupu noa te mau mea

E parau vetahi, mea tupu noa mai te mau mea mai tera. Area te tahi atu, te tiaturi ra na te Atua noa i haamata i te poiete e muri iho, ua vaiiho i te mau mea ia tauiui. Eaha ta te Bibilia e parau ra?

Mea tupu noa mai anei te ao nui i te paainaraa te tahi mea i roto i te reva?

Teie noa ta te Bibilia e parau ra: “Hamani ihora te Atua i te ra‘i e te fenua i te matamua ra.” (Genese 1:1) Aita i faataahia mea nafea te Atua i te poieteraa i te mau mea atoa. Ia au i tei parauhia i roto i te Bibilia, e ere i te mea hape ia tiaturi, ua fa mai te ao nui no te mea ua paaina paha te tahi mea i roto i te reva. Tera râ, te faaite noa ra te Genese 1:1 na vai i faatupu i tera ohipa.

Te tiaturi mau ra e rave rahi aivanaa, ua paaina taue noa te tahi mea i roto i te reva. I muri a‘e i te hoê tau, na te mau hu‘ahu‘a i faanaho ia ratou iho no te riro mai ei fetia e ei paraneta. Mea hape râ tera mana‘o. Ia au i ta te Bibilia e parau ra, na te Atua i hamani i te ao nui, noa ’tu ua haapaaina oia i te tahi mea aore ra ua faaohipa i te tahi atu ravea.

“Hamani ihora te Atua i te ra‘i e te fenua i te matamua ra.”Genese 1:1.

Te parau ra anei te Bibilia e riro mai hoê animara ei animara ê i te roaraa o te tau?

Aita. Te na ô ra te Bibilia ua hamani te Atua i te mau raau e animara atoa “ma to ratou ra huru.” (Genese 1:11, 12, 21, 24, 25) E nehenehe anei te tahi mau tauiuiraa e tupu i roto hoê huru animara aore ra raau? E. Ia itehia te reira, te auraa anei ua fa mai hoê huru animara apî? E ere.

A hi‘o na i te mau maimiraa i ravehia no te hoê manu haihai i te mau motu Galapagos i 1970. No te tauiraa o te reva na tera mau vahi, ua itehia ua aano rii te utu o tera manu. Ua parau vetahi e haapapuraa tera no te haapiiraa e tauiui te mau mea i te roaraa o te tau. Tera iho â anei? Tau matahiti i muri a‘e, ua fa faahou mai tera huru manu e te utu haihai a‘e e ua maraa roa to ratou numera i ǒ. E aivanaa Jeffrey Schwartz o te hi‘opoa i te huru o te taata i te roaraa o te tau. Maoti tera maimiraa, ua farii oia e nehenehe te tahi huru animara e taui rii i mua i te tahi tupuraa, “e ere râ te auraa ua fa mai hoê huru animara apî.”

 Mea tano anei ia parau mea tupu noa mai te mau mea?

Te parau ra te Bibilia “na [te Atua] hoi i hamani i te mau mea atoa nei.” (Apokalupo 4:11) Aita oia i “faaea” na mua ’‘e ia oti ta ’na ohipa poieteraa. (Genese 2:2) Eaha te auraa? Aita te Atua i hamani hoê tao‘a haihai a tiai atu ai ia tauiui te reira. E i muri a‘e mirioni matahiti, ua fa mai e rave rau huru i‘a, urî taata e te pae hopea, te taata. * Ia au i tera haapiiraa, e ere na te Atua poiete i “[hamani] i te ra‘i e te fenua, e te tai, e te mau mea atoa i roto” mai ta te Bibilia e parau ra.—Exodo 20:11; Apokalupo 10:6.

“E au te hanahana ia oe, e te Fatu, e te tura, e te mana, na oe hoi i hamani i te mau mea atoa nei.”Apokalupo 4:11.

No te ite atu â: Te parau ra te Bibilia no te Atua: “Te mau mea hoi no ’na [aore ra to ’na mau huru maitatai] e ore e tia ia hi‘o ra, te itea papuhia nei ïa i te mau mea i hamanihia nei, mai te hamaniraa mai â o teie nei ao.” (Roma 1:20) E oaoa mau te taata ia haapii ratou o vai te Atua. E opuaraa î i te here hoi ta ’na no te feia atoa e imi ia ’na ma te aau tae. (Koheleta 12:13; Hebera 11:6) No te ite atu â, a hi‘o i nia www.jw.org aore ra a farerei i te mau Ite no Iehova. A pata i nia NO NIA IA MATOU > HAAPIIRAA BIBILIA.

^ par. 12 Aita te Bibilia e haapii ra ua hamani te Atua i te fenua e ono mahana 24 hora. No te ite atu â, a hi‘o i te api 24-27 o te buka rairai La vie a-t-elle été créée? Na te mau Ite no Iehova i pia i tera papai e e nehenehe atoa e rave mai i nia www.jw.org.