Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! TETEPA 2015

 MEA POIETEHIA ANEI?

Te ravea o te tapea i na avae i muri o te manumanu ote tapau

Te ravea o te tapea i na avae i muri o te manumanu ote tapau

MEA maoro te mana‘oraahia na te taata ana‘e i hamani i te faanahoraa o te faatere i te matini. Mea hape roa râ! Ua itehia te reira i roto i te tahi manumanu o te patia i te mau raau no te ote mai i te tapau. E itehia o ’na i roto i te mau aua atoa ati a‘e ia Europa. *

Mea apî ana‘e tera manumanu, e nehenehe o ’na e ou‘a oioi i nia fatata maha metera i roto noa hoê tetoni. Te auraa, ua hau atu 400 te iti o te mama o to ’na tino! E nehenehe o ’na e moe i te taime noa o te hoê amoraa mata. No te pee mai tera, e titauhia ia haa na avae e piti i muri ma te hoê â puai i te hoê â taime. Eaha ta ’na ravea no te na reira?

A hi‘o na: Ua itehia e te mau aivanaa e piti ravea o te tapea i te niaraa o na avae e piti i muri o teie manumanu. Ia ou‘a o ’na, e mau maitai na avae e piti i muri maoti tera ravea e e haa raua i te hoê â taime. Aita ana‘e, e ohu hanoa te manumanu a ou‘a ’i!

Ia ou‘a te mau manumanu rahi a‘e, e faaohipa ratou i te mau uaua uira o to ratou roro ia mau maitai to ratou avae. No teie râ manumanu, ua maoro roa ïa ia na reira oia. Te tumu ïa o tera na ravea e piti o te ara ia ore na avae ia hauti a‘e. Te na ô ra te tahi taata papai buka e aivanaa atoa o Gregory Sutton, “ua matauhia i te mana‘o na te taata i hamani i te faanahoraa o te faatere i te matini.” Eaha te tumu? Ua na ô oia: “Aita tatou e hi‘o maitai ra [i te tahi atu mau vahi].”

Eaha to oe mana‘o? Mea tupu noa anei te ravea o te tapea i na avae i muri o te manumanu ote tapau aore ra mea poietehia?

^ par. 3 Eita te faanahoraa e faatere i na avae i muri e tere maitai faahou ia maruhi e ia hope te tau apîraa o te manumanu.