Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! TETEPA 2015

E mau mirioni buka rairai A tutava i te haapii i te taio e i te papai tei hurihia na roto hau atu 100 reo

Ua haapii atoa ia vetahi ê i te taio e te papai

Ua haapii atoa ia vetahi ê i te taio e te papai

“E tiaraa no te taata te iteraa ia taio, e ravea no te haapao ia ratou iho, no te tauturu i te taata e no te haamaitai i te oraraa.”—UNESCO. *

UA FAAITE te mau titorotororaa ua hau atu 700 mirioni taata na te ao mai te 15 matahiti e hau atu tei ore i ite i te taio aore ra te papai. Eita ’tura e tia ia ratou ia fana‘o i te tahi atu â ite mai te mau aratairaa no te oraraa o te taata e te mau haapiiraa no nia i te Atua papaihia i roto i te Bibilia. (Roma 15:4) Taa ê atu i te pûpûraa i te haapiiraa Bibilia, e faanaho atoa te mau Ite no Iehova i te mau Piha haapii i te taio e te papai i te mau fenua e rave rahi ma te tamoni ore. Eaha te mau maitai i itehia?

E hi‘o ana‘e i te ohipa a te mau Ite no Iehova i Mehiko. O te reo Paniora te mea paraparau-roa ’‘e-hia i ǒ. Mai 1946, ua haapii te mau Ite hau atu 152 000 taata i te taio e te papai e e rave rahi o ratou tei riro ei feia haapii ia vetahi ê. Ua papai atu to te faatereraa  no ǒ e rave rahi rata haamauruururaa. I roto hoê, teie tei papaihia: “Te haamauruuru e haapopou atu ra te tomite rahi o te Haapiiraa no to outou tururaa i te ohipa haapiiraa i te feia paari.”

Ua faufaahia te feia apî e paari i tera faanahoraa no te haapii i te taio. E hanere hoê matahiti to Josefina i to ’na apitiraa ’tu e ua tia ia ’na ia taio maitai i muri a‘e e piti matahiti!

Noa ’tu e reo matamua te Paniora i Mehiko, ua faanaho-atoa-hia te mau Piha haapii i te taio e te papai na roto i te tahi atu mau reo. I 2013, ua haapii atoa vetahi no roto mai e vau pǔpǔ taata tumu no ǒ i te taio e te papai na roto i to ratou iho reo.

E ravea faufaa mau te iteraa ia taio no te haapii e rave rahi atu â ohipa apî. Hau roa ’tu â râ, e tauturu te reira i te mau huru taata atoa ia taio i te Bibilia. Maoti hoi tera buka faaurua e te Atua e tiamâ ’i ratou i te mau peu tahutahu, haapiiraa hape a te mau haapaoraa e te mau haerea iino.—Ioane 8:32.

^ par. 2 Taatiraa o te mau Nunaa amui no te haapiiraa, te ihi e te ta‘ere.