Eaha to roto?

Mau faaho'iraa ê

Tapura tumu parau

Ite no Iehova

Tahiti

A ara mai na!  |  Tetepa 2015

 TUMU PARAU MATAMUA | NA OE ANEI E FAATERE RA I TO OE ORARAA?

Te fifi: Tupuraa eita e nehenehe e taui

Te fifi: Tupuraa eita e nehenehe e taui

UA TAUI anei to oe oraraa no te tahi ma‘i tamau, no te faataaraa i to hoa faaipoipo aore ra no te pohe o tei herehia? I mua i te mau fifi mai tera, e na ô paha oe, ‘Eaha ta ’u e rave, eita hoi au e nehenehe e taui i to ’u tupuraa!’ E nafea ia faanaho faahou i to oraraa?

HI‘ORAA BIBILIA: PAULO

Ei mitionare itoito i te senekele matamua, mea rahi te mau vahi ta te aposetolo Paulo i haere. Ua taui râ to ’na tupuraa a tapeahia ’i o ’na ma te tano ore e piti matahiti i roto i te tahi fare tiaihia e te faehau. Ua haaparuparu anei Paulo? Aita, ua haapao noa oia i ta ’na e nehenehe e rave. Ua faaohipa oia i te Parau a te Atua no te tauturu e tamahanahana i te feia atoa i haere atu e farerei ia ’na. Ua papai atoa oia e rave rau rata o tei riro ei tuhaa o te Bibilia i teie nei.—Ohipa 28:30, 31.

TA ANJA I RAVE

Mai tei faaitehia i to na mua ’tu tuhaa, ua titauhia ia faaea noa Anja i te fare. Te na ô ra oia: “Ua taui roa to ’u oraraa taatoa i te mariri ai taata. Ia ore to ’u ea ia ino roa ’tu â, eita vau e nehenehe faahou e rave i te ohipa e e farerei e rave rahi taata.” Eita ta Anja e nehenehe e taui i to ’na tupuraa. Eaha râ ta ’na i rave? Te parau ra oia: “Ua tauturu mai te tahi porotarama tano. Ua haapao na mua vau i te mea faufaa roa ’‘e no ’u e ua faanaho i te tahi porotarama ia au i te maraa ia ’u ia rave. Ua mauruuru vau, te tia noa ra hoi ia ’u ia faanaho i to ’u oraraa.”

“Ua ite hoi au i te faaoromai i te mau mea atoa i roohia mai ai au nei.”—Ta Paulo i parau i roto i te Philipi 4:11

TA OE E NEHENEHE E RAVE

Tei roto anei oe i te tahi tupuraa eita e nehenehe e taui? A tamata na i to muri nei mau mana‘o no te faanaho faahou i to oe oraraa:

  • A haapao noa i ta oe e nehenehe e rave. Eita paha e tia ia taui i to oe ma‘i, e nehenehe râ ta oe e faaoti ia faaetaeta i te tino, ia amu i te maa maitai no te ea e ia faataa i te taime no te faafaaea.

  • A feruri maitai i ta oe e hinaaro e rave i roto i te oraraa. A faanaho hoê ohipa i muri mai i te tahi atu. A tamata i te faataa maa taime i te mau mahana atoa ia naea ta oe fa.

  • Ia mauruuru oe, a raverave maa ohipa noa ’tu mea iti. A tamâ i te iri amuraa maa e a horoi i te mau au‘a. A haapao maitai i to oe faaahuraa. A rave na mua i te mau ohipa faufaa roa ’‘e i te poipoi.

  • A tapea noa mai i te mau vahi maitai o to oe tupuraa. Ua itehia anei ia oe te tahi atu ravea maitai no te faaruru i te fifi? E nehenehe anei e faaite i te reira ia faufaa-atoa-hia vetahi ê?

Mana‘o faufaa: Eita paha e tia ia oe ia taui i te tupuraa, e nehenehe râ e faatano i to oe huru i mua i te reira.

No te ite atu â

A ARA MAI NA!

Ta te Bibilia e parau ra no nia i te mauiui

Te tâu‘a ra anei te Atua i te mauiui o te taata?