Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! TETEPA 2015

 TUMU PARAU MATAMUA

Na oe anei e faatere ra i to oe oraraa?

Na oe anei e faatere ra i to oe oraraa?

I TO taurearearaa, eaha te oraraa ta oe i hinaaro? Peneia‘e, ua opua e faaipoipo, e faaitoito ia noaa ’tu â te tahi aravihi taa ê aore ra toroa au mau. Eita râ te oraraa e tupu hanoa mai ta tatou i faataa. E nehenehe te tahi mau fifi mana‘o-ore-hia e taui roa i te oraraa. Tera tei tupu no Anja, Delina e Gregory.

  • E 21 matahiti to Anja no Heremani a itehia ’i e mariri ai taata to ’na. I teie nei, e titauhia ia faaea noa oia i te fare i te rahiraa o te taime.

  • Ua roohia Delina no Marite i te tahi ma‘i i te pae o te mau uaua uira parauhia dystonie o te haafifi i to ’na mau mero. Hau atu â, te haapao ra oia i to ’na na taeae huma e toru.

  • Ua fifi roa te oraraa o Gregory no Kanada no te mea e ahoaho noa o ’na a ore atu ai e nehenehe faahou e rave i te tahi ohipa.

Noa ’tu to ratou tupuraa, ua tia ia Anja, Delina e Gregory ia faanaho faahou i to ratou oraraa. Eaha ta ratou i rave?

Ua faaite te tahi parau paari Bibilia: “Ia paupau to aho i te mahana e ati ai ra, te iti hua ra to oe itoito.” (Maseli 24:10) Te taa-maitai-hia ra o te feruriraa te mea faufaa. Eita te feia mana‘o paruparu e nehenehe e faanaho faahou i to ratou oraraa. Area tei faaite i te mana‘o maitai, e pinepine ratou i te faaitoito ia mauruuru noa ratou i te oraraa noa ’tu te fifi.

E hi‘opoa ana‘e i te mau haapapuraa o te reira i roto i te oraraa o Anja, Delina e Gregory.