Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! TETEPA 2015

 TUMU PARAU MATAMUA | NA OE ANEI E FAATERE RA I TO OE ORARAA?

Te fifi: Ua rahi roa ta oe ohipa

Te fifi: Ua rahi roa ta oe ohipa

I TE taime a haapao ai i to metua ruhiruhia, te hinaaro ra te tamarii, te paoti, oia atoa to hoa faaipoipo ia oe. E ere iho â tera te oraraa opuahia, mea rohirohi roa râ. E na ô paha oe, ‘Aita e ravea, te hinaarohia ra vau!’ Eita oe e vetahi ê e maitaihia mai te peu na oe e rave i te mau mea atoa. E nafea ia faanaho faahou i to oraraa?

HI‘ORAA BIBILIA: MOSE

O Mose ana‘e te haava o Iseraela i tahito. Ua haapao Mose i tera hopoia ma te mana‘o noa paha e titauhia ia rave te reira. Ua parau atu râ to ’na metua hoovai tane: “E mea tia ore ta oe e rave na. E pohe oe i te teiaha.” Ua parau oia ia Mose ia vaiiho i te feia aravihi ia haava i te rahiraa o te mau ohipa. Area te mea fifi roa, na ’na ïa e faaafaro. Eaha tei tupu i muri a‘e? Ua haapapu to Mose metua hoovai tane: “E riro oe i te rave faaoti roa i tana mau parau, e e tae atoa hoi teie mau taata’toa i to ratou ra vahi ma te hau.”—Exodo 18:17-23, Te Bibilia Mo’a V.C.J.S. (1976)

TA DELINA I RAVE

Mai tei faaitehia i roto i te tuhaa matamua o teie tumu parau, e ma‘i to Delina i te pae o to ’na mau uaua uira o te haafifi i to ’na mau mero. Te haapao atoa ra oia i to ’na na taeae huma e toru. Te na ô ra oia: “No te ore e ahoaho, ua tutava vau i te faaea i te tapitapi i to ananahi e te vaiiho i te ohipa o teie mahana no ananahi atu. Ma te faaite i to ’u tupuraa, ua tauturu mai vetahi ê, na reira atoa ta ’u tane. E faataa atoa vau maa taime i te mau poipoi atoa no te atuatu i te aua, mea au roa hoi na ’u tera ohipa.”

“E tau to te mau mea atoa nei.”—Koheleta 3:1

TA OE E NEHENEHE E RAVE

Ua rahi roa anei ta oe ohipa? A tamata na i to muri nei mau mana‘o no te faanaho faahou i to oe oraraa:

  • A feruri e nehenehe anei te tahi atu taata e tauturu ia oe. Aita anei e tamarii o te noho noa ra i te fare? E fetii aore ra hoa anei te ora ra i te vahi piri i ǒ oe?

  • A faaite eaha te tauturu ta oe e hinaaro. A aparau e te paoti mai te peu ua rahi roa te ohipa e horoahia ’tu. E ere te auraa e titauhia oe ia faarue i te ohipa. A faataa ’tu râ eaha te mau fifi ta oe e faaruru ra. E faatano paha oia i te ohipa ia au i to oe tupuraa.

  • A papai i te rahiraa ohipa e titauhia ’tu i te hebedoma. E nehenehe anei e vaiiho na vetahi ê e rave i te tahi?

  • Eiaha e farii hanoa i te mau titau-manihini-raa. Aita ana‘e e taime aore ra ua rohirohi oe, eiaha e taiâ i te parau ma te mǎrû, aita.

Mana‘o faufaa: Ia tamata oe i te rave i te mau mea atoa, e rohirohi paha te noaa mai e eita hoê noa ’‘e ohipa e oti.

No te ite atu â

E nafea ia faaohipa maitai i to oe taime?

No te faaohipa maitai i to oe taime, a hi‘opoa i to oe oraraa ma te feruri i nia e piti mana‘o. Eaha ïa te reira?