Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! ME 2015

 IA AU I TE BIBILIA

Te pere moni

Te pere moni

No vetahi, e faaanaanataeraa noa te pere moni area no te tahi atu, e peu atâta.

Mea ino anei te pere moni?

TA TE TAATA E PARAU RA

No te taata e rave rahi, e ere i te mea ino te pere moni, ia haapaohia râ te mau faatureraa. Ua fariihia vetahi pere moni i mua i te ture mai ta te mau faatereraa e turu ra. E ravea te reira no te faatupu i te tahi mau opuaraa no te maitai o te huiraatira.

TA TE BIBILIA E PARAU RA

Aita te Bibilia e faahiti ra i te parau no te pere moni. Noa ’tu râ, te faaite ra e rave rahi aratairaa Bibilia i to te Atua mana‘o i tera peu.

Eaha te fa o te pere moni? Ia faufaahia oe i te pau o vetahi ê. Te patoi ra te reira i te faaararaa Bibilia ia ‘ara i te nounou tao‘a.’ (Luka 12:15) O te nounou to muri mai i te pere moni. E pûpû te mau fare pereraa i te tino moni rahi ma te ite mea iti roa te nehenehe e fana‘o i te reira. Tera ta ratou raveraa no te turai i te taata ia hue i te moni. Aita te reira e tauturu ia haapae i te nounou, e turai râ ia hinaaro i te moni rahi ma te rohirohi ore.

O te hinaaro miimii te turai i te taata ia pere ia noaa mai ia ’na te moni a te tahi atu feia hauti. Area te Bibilia, te faaitoito mai ra eiaha ia “imi i to ’na ana‘e iho maitai, e imi râ te taata atoa i te maitai o vetahi ê atoa.” (Korinetia 1, 10:24) Teie atoa hoê o na Ture Ahuru: “Eiaha roa oe e nounou . . . i te mau mea atoa na vetahi ê ra.” (Exodo 20:17) Ia hinaaro te taata pere moni o ’na te manuïa, te tiaturi ra oia ia ere vera ma i ta ratou moni.

Te faaara atoa mai ra te Bibilia eiaha ia imi i te maitai na roto i te tahi puai itea ore. Na mua ’‘e i Iseraela, te vai ra tei faaea i te tiaturi i te Atua e ua haamata i te “faanahonaho i te amuraa na Gada,” te atua o te Manuïa. Ua farii anei te Atua mau i te reira? Aita, teie hoi ta ’na i parau atu: “Ua rave râ outou i te ino i mua i tau mata nei, e ua hinaaro outou i tei riariahia e au ra.”—Isaia 65:11, 12.

I te tahi mau fenua, te vai ra vetahi pere moni tei fariihia e te ture. Ua faaohipahia te moni i noaa mai no te aufau i te mau haamâu‘araa i te pae o te haapiiraa, faanavairaa faufaa e no te haamaitai i te oraraa o te huiraatira. Tera râ, mea nafea i noaa mai ai tera moni? E ere anei na roto i te mau ohipa o tei turai ia faatupu i te nounou, te hinaaro miimii e ia mana‘o te taata aita e faufaa ia rave i te ohipa?

“Eiaha roa oe e nounou . . . i te mau mea atoa na vetahi ê ra.”Exodo 20:17.

 Eaha ta te pere moni e faatupu?

TA TE BIBILIA E PARAU RA

Teie te faaararaa a te Bibilia: “Te feia e mârô e ia rahi te tao‘a, e roohia ïa i te ati, e te marei, e te nounou maamaa e rave rahi, e ino ai te taata ra, e topa taue ai te taata i roto i te ino rahi faarue roa ra, e te pohe mure ore.” (Timoteo 1, 6:9) O te nounou to muri mai i te pere moni. No te ino rahi ta te reira e faatupu, ua faahitihia “te nounou tao‘a” i roto i te mau peu rau e tia ia haapae roa.—Ephesia 5:3.

E turaihia te taata ia hinaaro i te oraraa fana‘o ma te rohirohi ore, ia faatupu ïa i te nounou e ia pere moni. Ia au i te Bibilia, o te nounou moni “te tumu o te mau ino atoa nei.” E nehenehe te reira e tuino roa i te oraraa o te taata, e faatupu i te ahoaho rahi e e faaatea ê tei tiaturi i te Atua. E faahoho‘araa tano ia faataa te Bibilia i te feia i haavarehia e te nounou moni mai tei “patiatia pupu roa ia ratou iho i te oto e rave rahi.”—Timoteo 1, 6:10.

Eita te nounou tao‘a e mâha hanoa, e mauruuru ore te taata i ta ’na faufaa moni e e ore atoa e oaoa. “O tei nounou i te ario ra, e ore ïa e mauruuru i te ario; e tei nounou i te tao‘a ra, e ore ïa e mauruuru i te tao‘a e ia rahi noa ’tu.”—Koheleta 5:10.

E mirioni tei haavarehia e tei riro ei tîtî no te pere moni. Ua rahi roa tera fifi na te ao. I Marite noa, e mirioni tei riro ei tîtî no te pere moni ia au i te mau titorotororaa.

Ua faaite te tahi parau paari, “e noaa oioi noa mai vetaitahi tufaa i te matamua ra; e ore râ te hopea e haamaitaihia.” (Maseli 20:21) A riro ai e rave rahi ei tîtî no te pere moni, ua pue noa te tarahu aore ra ua topatari ta ratou taiete, ua ere i te ohipa, ua ino te faaipoiporaa e ua mauiui te hoa. E tauturu te mau aratairaa Bibilia i te taata ia ore ia ite i te mau ati ta te pere moni e faatupu.

“Te feia e mârô e ia rahi te tao‘a, e roohia ïa i te ati, e te marei, e te nounou maamaa e rave rahi, e ino ai te taata ra, e topa taue ai te taata i roto i te ino rahi faarue roa ra, e te pohe mure ore.”Timoteo 1, 6:9.