Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! ME 2015

 TAUTURU NO TE UTUAFARE | NO TE FEIA FAAIPOIPO

Te taairaa e te metua hoovai

Te taairaa e te metua hoovai

TE FIFI

“Ia topa mâua i roto i te fifi, e faaite ta ’u vahine i to ’na na metua. I muri iho, e niuniu mai to ’na papa no te horoa mai i te tahi ravea. Eita vau e mauruuru!”—James. *

“E pinepine te metua vahine o ta ’u tane i te parau: ‘E mihi noa vau i ta ’u tamaiti!’ Ia faataa oia mea piri roa raua na mua ’‘e, e faahapa vau ia ’u i te faaipoiporaa ia ’na e te haamauiuiraa i to ’na mama!”—Natasha.

E nafea ia ore te taairaa e na metua hoovai ia riro ei fifi i roto i te faaipoiporaa?

TE TIA IA ITE

E riro na hoa faaipoipo ei utuafare apî. Te parau ra te Bibilia, i te faaipoiporaa “e faarue ai te taata i tana metua tane e tana metua vahine a ati atu ai i tana vahine.” Tera atoa te tupu no te vahine faaipoipo. Te na ô ra te Bibilia, e riro raua toopiti “ei hoê” e ei utuafare apî.—Mataio 19:5.

To oe hoa faaipoipo na mua. E taata tauturu i te feia faaipoipo o John M. Gottman. Ua papai oia: “Te tahi ohipa faufaa ia rave te tane e te vahine faaipoipo, o te tâu‘araa i to te tahi e te tahi mana‘o. E ere i te mea ohie ia na reira noa no te mea na mua ’‘e i matau na raua i te fariu i te metua.” *

E ere i te mea ohie no te metua ia farii. Te faataa ra te tahi tane apî: “Na mua ’‘e i te faaipoiporaa, e haapao noa ta ’u vahine i te mana‘o o to ’na na metua. I muri a‘e râ, ua taa i te metua vahine e ere faahou to ’na mana‘o te haapaohia na mua. E ere i te mea ohie no ’na ia farii.”

E ere atoa i te mea ohie no na hoa faaipoipo. Teie ta James faahitihia i te haamataraa i parau: “Eita oe e maiti i to metua hoovai mai te hoa. Mai te huru, ua parauhia mai, ‘Ua hinaaro oe aore ra aita, e piti hoa apî to oe.’ Noa ’tu to ratou huru i nia ia oe, e fetii tera!”

 TA OE E NEHENEHE E RAVE

Ia fifi orua no te taairaa e te metua hoovai, a haa amui no te faaafaro i te reira. A haapao i te a‘oraa Bibilia ia ‘imi i te hau, e ia aruaru atu.’—Salamo 34:14.

Ia tauturuhia orua ia na reira, e hi‘opoa ana‘e te tahi mau tupuraa. I roto i te mau parau e faaitehia, e nehenehe na hoa faaipoipo e piti e mana‘o mai tera. E tauturu atu te mau aratairaa ia faaafaro e rave rahi fifi te nehenehe e tupu e te metua hoovai.

E hinaaro ta oe vahine ia maitai to taairaa e to ’na mama. No oe râ, e ere i te mea ohie.

A tamata na: A aparau e to vahine no nia i tera fifi e a farii i te rave i te haapaeraa. E ere to mana‘o i to ’na metua vahine i te mea faufaa a‘e. A feruri râ, eaha ta oe e rave no to hoa faaipoipo, te taata ta oe i euhe i te here. A aparau no te ite hoê aore ra piti ravea ia maitai to taairaa e to metua vahine hoovai e muri iho, a haa ia au i te reira. Ia ite to hoa faaipoipo i ta oe mau tutavaraa, eita e ore e faatura ’tu â oia ia oe.—Aratairaa Bibilia: Korinetia 1, 10:24.

Te na ô ra ta oe tane mea tâu‘a a‘e na oe i to metua ia ’na.

A tamata na: A tauaparau e ta oe tane e a tutava i te taa i to ’na mana‘o. Eiaha iho â o ’na ia inoino ia faatura oe i to metua. (Maseli 23:22) E titauhia râ ia haapapu o ’na ta oe e haapao na mua, e ere râ to oe na metua. Ia faaite ta oe mau parau e haaraa i te reira e tia ’i. Ua papu ana‘e i to tane i te reira, eita oia e mana‘o e haafifi to oe na metua i to orua taairaa.—Aratairaa Bibilia: Ephesia 5:33.

E ani ta oe vahine i te tauturu i to ’na na metua, eiaha râ ia oe.

A tamata na: A aparau e ta oe vahine e a faaoti amui i te mau otia e titauhia ia haapao. Eiaha oe ia etaeta roa. Mea ino anei ia faaite hoê haapeapearaa i te metua i te tahi taime? Eaha te tupuraa mea maitai paha ia na reira? Ia hoê to orua mana‘o no nia i te mau otia tano e tia ia haapao, eita te reira e riro ei fifi.—Aratairaa Bibilia: Philipi 4:5.

^ par. 4 Ua tauihia te mau i‘oa.

^ par. 9 No roto mai i te buka E hitu aratairaa no te faaipoiporaa (Beretane).

No te ite atu â

E nafea ia vai hau noa e te fetii?

E nehenehe e faatura noa i to oe na metua ma te ore râ e vaiiho ia haafifi i to orua faaipoiporaa.