Eaha to roto?

Mau faaho'iraa ê

Tapura tumu parau

Ite no Iehova

Tahiti

A ara mai na!  |  Tenuare 2015

Na te ao nei

Na te ao nei

Équateur

I 2007, ua opua te faatereraa o Équateur e paruru fatata 10 000 kilometera tuea o te tuhaa fenua i ore i hautihia ’tura o te ururaau haumi no Amazonie. Te fa, ia ore ïa ia heruhia no te rave mai i te mori arahu e vai ra i reira. Ua anihia te tauturu na te ao nei, aita râ te moni i noaa mai i navai no te faatupu i tera opuaraa. Aita ’tu vahi i te ao nei e itehia ’i te rau o te mau tumu raau e animara maori râ i tera tuhaa o te ururaau haumi no Amazonie.

Tapone

Te na ô ra te tahi vea, The Japan News, mea fifi ia ite i te viivii o te toto i te taime hi‘opoaraa. Te faaite-atoa-hia ra i roto, i 2013, ua roohia te tahi taata 60 matahiti i te ma‘i SIDA i te pâmuraahia te toto i roto i to ’na tino. Ua viivii ana‘e te toto i te SIDA, eita te tirotiro e ite-oioi-hia no te mea e taoto noa te reira tau ava‘e.

Zimbabwe

Noa ’tu ua tapeahia te pǔpǔ taata hamani ino o Zimbabwe i te otia fenua i Mozambique a 30 matahiti a‘enei, e rave rahi â te pepe e te pohe i te mau ofai paaina hunahia. Ia au i te tomite hi‘opoa a te Croix-Rouge, “mai 1980, hau atu 1 500 taata e 120 000 puaatoro tei pohe e 2 000 tei pepe no te mau ofai paaina i te otia fenua i Zimbabwe.”

Auteralia

Ia au i te tahi titorotororaa no nia te feia i faataa i to ratou hoa faaipoipo, te rahi noa ’tura te mârô ia vai e riro ai te tiaraa e haapao i te animara. I roto i te mau mea e faatupu i te peapea, e ere ta ratou mau faufaa, te moni e te tahi atu mau tauihaa ta ratou e mârô na mua, te animara râ.