Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! NOVEMA 2014

Te omaha tihota, e nafea ia ore ia roohia i tera ma‘i?

Te omaha tihota, e nafea ia ore ia roohia i tera ma‘i?

TE RAHI oioi noa ’tura te taata e roohia i te ma‘i omaha tihota na te ao nei. E piti hoho‘a ma‘i omaha tihota. E haamata te omaha tihota faito 1 i te tamariiraa e e au ra e aita e ravea ta te mau taote no te faaore i te reira. Fatata 90 i nia i te hanere o te feia ma‘ima‘i tei roohia i te omaha tihota faito 2 e tera te hi‘opoahia i roto i teie tumu parau.

Na mua ’‘e, ua itehia o te mau taata paari noa te roohia i te ma‘i omaha tihota faito 2. I teie nei râ, ua roo-atoa-hia te mau tamarii i tera ma‘i. No te feia îite, e nehenehe te taata e arai i te ma‘i omaha tihota faito 2. E tauturu atu paha maa hi‘opoaraa o teie ma‘i haavarevare ia oe. *

Eaha te ma‘i omaha tihota?

E omaha tihota to te tahi taata ua rahi roa ana‘e te faito o te tihota i roto i to ’na toto. No tera ma‘i, eita te tihota e faataehia mai te tanoraa mau i roto i te mau tao‘a tahi ora no te faaitoito i to tatou tino. E ino te mau mero faufaa roa o te tino, e fifi te tereraa o te toto e e pinepine e nehenehe te manimani avae aore ra te avae iho e tâpûhia. E ino atoa te mata e te mau mape. E pohe te rahiraa o te feia e omaha tihota to ratou a tupu taue ai te tahi ma‘i i roto i te roro aore ra te mafatu.

Ia poria roa te tahi taata, e nehenehe oia e roohia i te ma‘i omaha tihota faito 2. No te feia îite, e ino atu â te ea o tei roohia i te ma‘i omaha tihota ua rahi ana‘e te me‘i i roto i te opu. Mea atâta roa ’tu â, e me‘i ana‘e to roto i te rama e te upaa, e fifi hoi te faanahoraa o te faafaito i te tihota i roto i te toto. Eaha te rave ia ore oe e roohia i tera ma‘i?

 Toru mana‘o e tauturu atu paha ia ore ia roohia i te ma‘i omaha tihota

1. A hi‘opoa i te faito tihota i roto i to oe toto. E pinepine na mua ’‘e oe e roohia ’i i te ma‘i omaha tihota faito 2, e ohipa tei tupu i roto i to tino. E au tei nia rii te faito tihota i roto i to oe toto i te tanoraa mau. Mea atâta na tupuraa e piti. Noa ’tu e haapao maitai tei roohia i te ma‘i omaha tihota faito 2 i to ’na ea, eita ta ’na e nehenehe e faaore i te reira. No te feia râ tei nia rii te faito tihota, e nehenehe ratou e faaiti i te reira ia au i te tanoraa mau. Aita e tapao e aita atoa paha vetahi i roto i tera tupuraa i mana‘o ua rahi rii te faito tihota i roto i to ratou toto. Ia au i te tahi hi‘opoaraa, 316 mirioni taata na te ao tei roto i tera tupuraa, aita râ te rahiraa o ratou i ite. I Marite noa, 90 taata i nia i te hanere tei ore i ite tei nia rii te faito tihota i roto i to ratou toto.

Mai te peu e ua rahi rii te faito tihota i roto i to oe toto, e nehenehe oe e roohia i te ma‘i omaha tihota faito 2. Aita i maoro a‘enei, ua ite-atoa-hia e nehenehe te upoo o te feia i roto i tera tupuraa e ino roa. Mea poria anei oe? E fetii atoa anei to oe tei roohia i te ma‘i omaha tihota aore ra aita oe e faaetaeta ra i to tino? Ua rahi rii ê na paha te faito tihota i roto i to oe toto. No te papu râ, a haere e hi‘opoa ia oe.

2. A haapao maitai i ta oe maa. Ia nehenehe e ia tano, e maitaihia paha oe i te haapao i to muri nei mau mana‘o: A tarani i ta oe maa. A inu i te pape, te ti aore ra te taofe, eiaha râ te inu monamona e pihaa. Eiaha atoa e amu i te maa tuhituhi e a faatano noa ia amu oe i te faraoa, te raiti e te tahi atu tapiri. A amu i te i‘o aita i rahi te me‘i i nia iho, te i‘a, te aratita e te pipi.

3. A faaetaeta noa i to tino. Ia na reira oe, e iti te faito tihota i roto i to oe toto e e tano noa atoa to oe kilo. Te faaitoito ra te tahi taata îite ia mono maa taime ta oe e faataa ra no te mataitai i te afata teata no te faaetaeta i to tino.

Eita oe e nehenehe e taui i to oe mau tapao tupuna, to oe râ huru oraraa, oia ïa! Ma te tutava i te haapao i to ea, o oe iho â te maitaihia!

^ par. 3 I roto i te A ara mai na!, aita e faaitoitohia ra ia amu i te tahi maa aore ra ia rave i te tuaro taa maitai. Na te taata taitahi e faaoti eaha ta ’na e rave e e titauhia anei ia farerei i te tahi taote hou a farii ai i te hoê ravea rapaauraa.