Eaha to roto?

Mau faaho'iraa ê

Tapura tumu parau

Ite no Iehova

Tahiti

A ara mai na!  |  Novema 2014

 MEA POIETEHIA ANEI?

Te avae o te puaahorofenua

Te avae o te puaahorofenua

E NEHENEHE te puaahorofenua (Equus caballus) e horo hau atu e 50 kilometera i te hora. Noa ’tu e hautiuti rahi to ’na mau avae, mea iti roa te puai ta ’na e faaohipa. No te aha oia e nehenehe ai e na reira? No te hamaniraa taa ê o to ’na mau avae.

A hi‘o i te tupu ia horo te puaahorofenua. Ia tuu oia i to ’na avae i raro, e haa amui te uaua tuatiraa e te uaua i‘o no te haapue i te puai e turai i te puaahorofenua ia horo.

A horo ai, e nehenehe te uaua tuatiraa o te puaahorofenua e mutu no te mea e rûrû rahi to ’na mau avae. Te vai ra râ te mau uaua i‘o e tamǎrû atu ia ore te reira ia tupu. No te feia îite, e “hamaniraa taa ê roa to te mau uaua” puaahorofenua. Maoti hoi te reira e nehenehe ai ratou e horo maitai e ma te vitiviti.

Ua imi te mau aivanaa i te ravea no te hamani i te mau matini roro uira e maha avae mai to te puaahorofenua. Ia au râ i te tahi pu hi‘opoaraa (Biomimetic Robotics Laboratory of the Massachusetts Institute of Technology), e ere i te mea ohie ia hamani i te hoê â faanahoraa e te mau materia e ite e vai nei no nia i te mau matini.

Eaha to oe mana‘o? Mea tupu noa anei te hamaniraa o te avae o te puaahorofenua? Aore ra mea poietehia anei?