Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! TETEPA 2014

 TUMU PARAU MATAMUA | IA TUPU TE ATI, NAFEA IA FAAOROMAI?

Ia roohia oe i te ma‘i

Ia roohia oe i te ma‘i

I Raparata, e taata oraora maitai o Mabel. E taote oia o te tauturu i te feia e mea paruparu to ratou tino. I 2007, ua haamata oia i te rohirohi roa ino e ua mauiui noa to ’na upoo i te mau mahana atoa. Te na ô ra oia, “ua farerei au e rave rahi taote e ua amu e rave rau raau, aita râ te mauiui i ore.” I te pae hopea, ua hi‘opoahia i roto i te tino o Mabel e ua itehia e e ma‘i mariri ai taata to ’na i roto i te roro. Ua parau oia, “ua hitimahuta roa vau! Mea fifi no ’u ia farii e ua ora noa vau e teie ma‘i i roto ia ’u.”

“I muri a‘e noa i to ’u tâpûraahia i taa ’i au e mea atâta to ’u tupuraa. A ara mai ai, eita faahou ta ’u e nehenehe e hauti. Ta ’u ana‘e e tia ia rave, o te hi‘o-noa-raa ïa i nia. Hou vau a tâpûhia ’i, e taata oraora maitai au e aita atoa i hinaaro na i te tauturu a vetahi ê no te rave i te tahi ohipa. Ua taui taue noa râ i muri a‘e. I te mau mahana a tapeahia ’i au i raro a‘e i te hi‘opoaraa a te taote, ua hepohepo roa vau e ua faaroo noa i te maniania o te mau matini rapaauraa, te ta‘i e faaara i te taote ia haere mai e te auê a te tahi atu mau taata ma‘i. Ua haaatihia vau i te mauiui.”

“I teie mahana, ua maitai rii mai au. I te tahi taime, e nehenehe atoa ta ’u e hahaere na rapae noa ’tu eita te taata e tauturu mai. Te fifi noa ra râ to ’u mata e mea paruparu atoa to ’u mau uaua i‘o.”

A FAARURU AI I TE ATI

A tapea i te mana‘o maitai. I roto i te Maseli 17:22, te na ô ra te Bibilia: “E maitai to te aau rearea mai te raau ma‘i atoa ra; e mǎrô râ te ivi i te aau taiâ.” Te haamana‘o ra Mabel: “A tauturuhia ’i au, ua faaruru vau i te mau fifi ta te feia ma‘i ta ’u i tauturu na i ite. Mea mauiui roa ia faahautiutihia te tino e ua mana‘o vau e taora i te tauera i te tahi taime. Ua haavî au ia ’u eiaha ia mana‘o mai tera. Ua ite hoi e e faufaahia vau ia tutava.”

A feruri i te tauturu ia oe ia faaoromai. Te na ô ra Mabel: “Maoti te Bibilia, ua haapii au no te aha te mau ati e tupu ai. Ua ite atoa râ a mairi ai te hoê mahana, te piri roa ’tura tatou i te taime e faaore-roa-hia ’i te mauiui.” *

A haamana‘o e te tâu‘a ra te Atua ia oe. (Petero 1, 5:7) Te faatia ra Mabel i tei tauturu ia ’na: “I to ’u afairaahia no te tâpû, ua ite mau vau i ta te Atua e parau ra i roto i te Isaia 41:10 a na ô ai: ‘Eiaha e mǎta‘u, tei pihai-atoa-iho vau ia oe.’ Ma te haamana‘o e te tâu‘a ra te Atua ra o Iehova i te tupu ra, ua ite au i te hau i roto ia ’u.”

Ua ite anei oe? Te haapii ra te Bibilia e i te hoê mahana eita faahou te taata e roohia i te ma‘i.—Isaia 33:24; 35:5, 6.