Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! TETEPA 2014

 TUMU PARAU MATAMUA | IA TUPU TE ATI, NAFEA IA FAAOROMAI?

Ia ere oe i te faufaa

Ia ere oe i te faufaa

I te Mahana pae 11 no Mati 2011, ua tupu te tahi aueueraa fenua faito 9 i Tapone. Ua pohe hau atu 15 000 taata e ua hau atu i te 200 miria tara Marite te haamâu‘araa o te mau mea i ino. A faaarahia ’i e e tupu te miti faaî, ua haere oioi Kei e 32 matahiti i te vahi teitei a‘e. Te na ô ra oia, “i te poipoi a‘e, ua ho‘i au i to ’u fare no te ohi mai i te tauihaa. Aita hoê noa ’‘e mea i toe i te miti, na reira atoa to ’u fare, te niu ana‘e te itehia.”

“Ua titauhia te taime no te taa aita noa vau i ere vetahi tauihaa, i te mau mea atoa râ e haaati ra ia ’u. Aita faahou e pereoo, e matini roro uira no ta ’u ohipa, e airaa maa, e parahiraa, e tofa no te farii i te manihini, e piana, e tita, e ukulele, e vivo e ta ’u mau tauihaa mai te mau peni û huru rau e hinu; pauroa ta ’u mau tauihaa no te peni e papai.”

A FAARURU AI I TE ATI

A feruri noa i te vai ra ia oe, eiaha râ ta oe i ere. Te na ô ra te Bibilia: “Rahi noa iho hoi ta te taata nei tao‘a, e ere hoi tei taua tao‘a na ’na ra to ’na ora.” (Luka 12:15) Ma te haamana‘o i ta ’na i faaruru, te faatia ra Kei: “I te haamataraa, ua papai vau i te mau mea atoa ta ’u e hinaaro, ua haamana‘o noa mai râ te reira i ta ’u i ere. Ua faaoti au i te papai i te mau mea ana‘e ta ’u e titau ia rave mai e i muri a‘e, e tapao vau i tei noaa mai. Na te reira i tauturu mai ia faaitoito.”

Eiaha e haapao noa ia oe, a tamahanahana ia vetahi ê. Te na ô ra Kei: “Ua fana‘o vau i te tauturu rahi a te hau e a to ’u mau hoa. A pinepine ai râ vetahi ê i te horoa mai, ua haamata vau i te haafaufaa ore ia ’u. Haamana‘o atura vau i ta te Bibilia e parau ra i roto i te Ohipa 20:35, ‘e mea maitai i te horoa ’tu i te rave mai.’ I te mea aita faahou ta ’u e tao‘a, ua faaoti au i te horoa ma te faaitoito i te feia e faaruru ra i tera ati. Ua faufaa-mau-hia vau i te faaiteraa i te aau horoa noa.”

A pure i te Atua ia horoa ’tu oia i te paari no te faaoromai i te ati. Te na ô ra te Bibilia no te Atua, “e haapaohia e ana te pure a tei ati ra” e ua tiaturi Kei i tera parau tamahanahana. (Salamo 102:17) E nehenehe atoa oe e na reira.

Ua ite anei oe? Te fafau ra te Bibilia e i te hoê mahana eita roa te taata e haapeapea i te ere i ta ’na faufaa no te tahi ati natura. *Isaia 65:21-23.

^ par. 9 No te ite i ta te Atua opuaraa no te fenua, a hi‘o i te pene 3 o te buka Eaha ta te Bibilia e haapii mau ra? piahia e te mau Ite no Iehova.