Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! NOVEMA 2013

 TUMU PARAU MATAMUA

Te parau mau no nia i te oroa Halloween

Te parau mau no nia i te oroa Halloween

I ǒ outou, te faatupuhia ra anei te oroa Halloween? I te mau matahiti atoa, i te 31 no Atopa, ua matau to Marite e Kanada i te faatupu i te reira. Na te ao nei, e rave rahi peu ta te taata e rave ra no te ani i to te ao varua ia ohipa mai i te fenua nei. I te varua o te feia pohe anei, te diabolo e demoni. E faaohipa ’toa te tahi atu i te ohipa manamana e tahutahu. Ua tuea tera mau peu i te ravehia i te Halloween, te i‘oa noa râ tei taa ê.—A hi‘o i te tumu parau tarenihia  “Te mau oroa na te ao nei mai te Halloween.”

AITA paha oe e tiaturi mau ra i te mau demoni. Peneia‘e, e faatupu noa oe i te Halloween e te tahi atu mau oroa no te arearea e haapii i te mau tamarii ia hamani i te tahi tao‘a. E rave rahi râ te mana‘o ra e mea ino te reira no to muri nei mau tumu:

  1. Ia au i te Encyclopedia of American Folklore, “maoti te Halloween e tiaorohia ’i to te ao varua, te vai ra te mea ino  aore ra riaria.” (A hi‘o i te tumu parau tarenihia  “Halloween i te roaraa o te tau.”) No ǒ mai i te etene e te haamoriraa i te mau tupuna e rave rahi oroa mai te Halloween. Te faaohipa nei râ vetahi i te reira no te farerei i ta ratou e mana‘o ra o te varua o tei pohe.

  2. Noa ’tu e no te rahiraa e oroa no to Marite te Halloween, na te ao nei, te rahi noa ’tu ra te taata e farii i te reira. No te feia a tahi ra e faatupu ai, aita roa ïa i ite e e oroa na te etene. Aita ’toa ratou i maramarama e ua taaihia te mau tapao, faaneheneheraa e peu o te Halloween i tei itea-ore-hia i roto i te ao varua e te ohipa tahutahu.—A hi‘o i te tumu parau tarenihia  “Nohea mai te tahi mau tapao o te Halloween?

  3. E parauhia te feia e haapao ra i te peu a te pǔpǔ taata Celtes i tahito, te mau Wiccans. No te faahiti i te oroa Halloween, te faaohipa noa nei â ratou i te i‘oa tahito Samain. Tera te po mo‘a roa ’‘e no ratou. Ua papai te vea USA Today i ta te tahi tahu‘a i parau, “mea au  roa na matou ia ite e, ma te ore e haapao, te faatupu ra te mau Kerisetiano i ta matou oroa.”

  4. Te patoi ra te mau oroa mai te Halloween i ta te Bibilia e haapii ra. Te faaara mai nei hoi te reira: “I roto ia outou . . . eiaha hoi ei pifao, e te hi‘o ata, e tei imi i te tapao, e te hi‘ohi‘o, e te hebere, e te feia imi i te varua ino, e te taura, e te feia uiui i tei pohe.”—Deuteronomi 18:10, 11; a hi‘o atoa i te Levitiko 19:31; Galatia 5:19-21.

Ia au i tei faaitehia ’tu na, e mea maitai ia ite eaha mau na to muri mai i te Halloween e te tahi atu oroa mai tera te huru. Mai e rave rahi, eita paha ïa oe e faatupu i tera mau oroa.

Ua papai te vea USA Today i ta te tahi tahu‘a i parau, “mea au roa na matou ia ite e, ma te ore e haapao, te faatupu ra te mau Kerisetiano i ta matou oroa.”

^ par. 37 E “mo‘a” te auraa o te ta‘o tahito Hallow. Ua riro te mau oroa Hallow atoa (parau-atoa-hia oroa no te mau peata) ei faahanahanaraa i te mau peata, aore ra feia mo‘a, i pohe. All Hallow Even, o te po ïa hou te oroa Hallow. I muri a‘e, ua haapotohia te reira ma te parau Halloween.

No te ite atu â

E mea tia anei ia faatupu tatou i te mau oroa?

Nohea mai te oroa e rave rahi matauhia i ǒ oe? E maere paha oe i te pahonoraa.