Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! NOVEMA 2013

 MEA POIETEHIA ANEI?

Te huruhuru o na pererau o te “manchot empereur”

Te huruhuru o na pererau o te “manchot empereur”

E NEHENEHE te manchot empereur e haere mai i rapae i te miti a ou‘a ’tu ai i nia i te hoê apaapa pape paari. E nafea?

Te huruhuru o te manchot empereur

A hi‘o na: E nehenehe teie animara e tapea i te mata‘i i roto i to ’na huruhuru. Ma te na reira, e paruruhia o ’na i te toetoe a tataipiti atoa ’i te vitiviti o to ’na tere. E nafea? No te mau aivanaa ihi ora no te moana, e vaiiho rii oia i te mata‘i ta ’na i tapea na i roto i to ’na huruhuru ia haere i rapae. I roto i te pape, e ore te tere o teie animara e mǎrû mai e vitiviti atu â râ.

Ua imi te feia îite i te mau ravea no te hamani i te pahi e nehenehe e tapea e e vaiiho i te mata‘i ia haere i rapae. Maoti te tahi faanahoraa mai tera e tere vitiviti ai te pahi. Ma te faaohipa i te hoê tauihaa apoopoo, te tamatahia nei i te hamani i te tahi mea e tuea i te huruhuru o teie animara. Ua ite râ te mau aivanaa e e ere roa ’tu i te mea ohie.

Eaha to oe mana‘o? Mea tupu noa anei te huruhuru o te manchot empereur? Aore ra mea poietehia anei?