Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! NOVEMA 2013

 MEA POIETEHIA ANEI?

Te faanahoraa faahiahia o te tari‘a o teie vivi

Te faanahoraa faahiahia o te tari‘a o teie vivi

NO TEIE vivi no Marite Apatoa, aita te roa o to ’na nau tari‘a i tia a‘e hoê milimetera. Tera râ, ua tuea te faanahoraa o to ’na tari‘a i to te taata. Ua rau te ta‘i ta ’na e faaroo noa ’tu te atea. Ei hi‘oraa, e ite oia i te taa-ê-raa o te ta‘i o te tahi atu vivi e te ta‘i puai roa ’tu â ta te taata e ore e faaroo o te iore pererau o tei imi ra i te maa.

TARI‘A O TEIE VIVI

A hi‘o na: Tei nia te tari‘a o te vivi i to ’na na avae i mua. Mai te tari‘a o te taata, e haru e e faataa te tari‘a o teie vivi i ta ’na e faaroo. Ua itea i te mau aivanaa i te tahi pute taa ê e au i te hoê popo roroa tei î i te pape i roto i te tari‘a o tera vivi. Ia faaauhia te reira i te mero i roto i te tari‘a o te tahi atu mau animara, mea haihai roa ïa, ua tuea râ te faanahoraa. No tera pute e riro ai te tari‘a o teie vivi i te mea faahiahia.

E taata haapii Daniel Robert i te hoê fare haapiiraa tua toru no te ihi ora i Beretane. Ua parau oia e maoti tera mau maimiraa e hamani ai te feia îite i te matini haihai a‘e o te tauturu i te taata ia faaroo maitai atu â. Te tiaturi atoa nei vetahi e hamani i te matini apî o te haru i te ta‘i ta te taata e ore e nehenehe e faaroo e o te hi‘opoa i roto i te tino taata. E faufaa-atoa-hia ïa te mau fare ma‘i i tera itearaa.

Eaha to oe mana‘o? Mea tupu noa anei te faanahoraa faahiahia o te tari‘a o teie vivi? Aore ra mea poietehia anei?