Eaha to roto?

Mau faaho'iraa ê

Tapura tumu parau

Ite no Iehova

Tahiti

A ara mai na!  |  Tetepa 2013

Ua ite au i te ohipa tia ore i te mau vahi atoa

Ua ite au i te ohipa tia ore i te mau vahi atoa

UA FANAUHIA vau i 1965 i roto i te hoê utuafare veve i Irelane Apatoerau. Ua paari au i te mataeinaa Derry a tupu ai te aroraa i rotopu i te mau Katolika e Porotetani e 30 tiahapa matahiti. No te pǔpǔ iti taata Katolika, e haafaufaa-a‘e-hia na te mau Porotetani, tei rahi a‘e hoi. Ua parihia e e ohipa tia ore ta te mau Porotetani e te mau mutoi e tia poritita. I mana‘o-atoa-hia na e na ratou atoa e maiti i tei fana‘o i te ohipa e te nohoraa.

Ua ite au i te ohipa tia ore i te mau vahi atoa. Ua hamani-ino-hia vau e rave rahi taime. Ua tupaihia, faahepohia ia haere mai i rapae i te pereoo ma te hoê pupuhi. Ua uiui-atoa-hia e maimihia e te mau mutoi aore ra faehau. Ua inoino roa vau a mana‘o ai, ‘e farii noa anei i te reira aore ra e patoi atu!’

I 1972, ua apiti au i te taahiraa parauhia Bloody Sunday, te hoê ïa haamana‘oraa i na taata 14 tei pupuhihia e te mau faehau Beretane. Ua amui atoa vau i te mau haapaeraa maa tei faahanahana i te mau taata mau auri i turu na i te tahi faatereraa tei pohe i te poia i 1981. I huti na vau i te reva o Irelane Apatoerau tei opanihia  na e e peni i te mau vahi atoa i te mau parau patoi i te faatereraa Beretane. Ua rahi roa ’tu â râ te mau ohipa iino aore ra taparahiraa i te mau taata Katolika e patoi atu. E pinepine te mau taahiraa i te riro ei patoiraa u‘ana.

I te haapiiraa tuatoru, ua amui au i te hoê patoiraa a te mau piahi no te paruru i te heipuni. I muri a‘e, ua reva vau i Lonedona. I reira, ua turu vau i te taahiraa a te tahi pǔpǔ patoi i te faatereraa tei haafaufaa a‘e hoi i te feia moni i te taata veve. Ua apiti atoa i te patoiraa no te faaiti i te moni ava‘e e i 1990, no te taahiraa patoi ïa i te tahi tute taa ê ta te taata taitahi e tia e aufau. I tera mahana, ua tuino-roa-hia te vahi parauhia Trafalgar.

Aita roa vau i ite i te mauruuru. Aita ta matou mau patoiraa i taui a‘e i te mau mea, ua faarahi roa ’tu râ i te ino.

Noa ’tu e e mana‘o maitai to te taata, eita ta ’na e nehenehe e faatupu i te parau-tia

Ma te tauturu a te hoê hoa, ua farerei au i te mau Ite no Iehova. Maoti te Bibilia, ua haapii mai ratou e te tâu‘a maira te Atua i to tatou fifi e e fatata oia i te faaore i te mau mauiui atoa. (Isaia 65:17; Apokalupo 21:3, 4) Noa ’tu e e mana‘o maitai to te taata, eita ta ’na e nehenehe e faatupu i te parau-tia. E titauhia ta te Atua aratairaa e to ’Na puai no te patoi i te mau demoni ite-ore-hia e faatupu ra i te mau fifi na te ao nei.—Ieremia 10:23; Ephesia 6:12.

I teie nei, ua taa ia ’u e a faatupu ai i te mau patoiraa, e au ra e ua tamata vau i te faaafaro i te tahi parahiraa i roto i te hoê pahi e tomo ra. Mea tamǎrû mau ia ite e fatata roa te mahana e ore ai te mau ohipa tia ore i te fenua nei a tahoê roa ’tu ai te taata atoa.

Te haapii ra te Bibilia e “mea au hoi na Iehova i te parau-tia.” (Salamo 37:28) Tera te tahi tumu e papu ai tatou e e faatupu iho â te Atua i te parau-tia, ta te mau faatereraa taata ïa i ore i haamau. (Daniela 2:44) Ia hinaaro oe e ite atu â, a farerei i te mau Ite no Iehova i to oe vahi aore ra a haere i nia www.jw.org/ty.

No te ite atu â

PARAU APÎ OAOA A TE ATUA

No te aha te Atua e vaiiho noa ’i i te ino e te mauiui?

Nohea mai te ino, e no te aha te Atua e vaiiho noa ’i i te reira? E ore roa anei te mauiui?

HAAPIIRAA BIBILIA

No te aha e haapii ai i te Bibilia?

E horoa te Bibilia i te mau pahonoraa i te mau uiraa faufaa o te oraraa i te mau mirioni taata na te ao nei. E hinaaro anei oe e ite i tera mau pahonoraa?