Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! TIURAI 2013

 MEA POIETEHIA ANEI?

Te pehau o te tohora tua puu

Te pehau o te tohora tua puu

MEA teiaha e rahi a‘e te tohora tua puu i te hoê pereoo mataeinaa. Noa ’tu râ, ma te faahiahia e nehenehe ta ’na e ou‘a e e taviriviri i roto i te miti. No te aha e nehenehe ai ia ’na e na reira? Te tahi tumu, no te mau puu ïa i nia i to ’na nau pehau.

A hi‘o na: Mea moremore te hiti o te pehau o te rahiraa tohora e otia. To te tohora tua puu râ, mea taa ê ïa. E puu rahi to nia i to ’na nau pehau. A hopu ai, e rave rahi ripoa te itehia ia fati mai te pape i nia i taua mau puu ra. E turaihia oia e taua mau ripoa ra a nehenehe atu ai e faatia oioi i to ’na nau pehau. Noa ’tu te puai o te miti, e nehenehe iho â oia e hauti ohie maoti tera mau puu. Mea faufaa roa hoi, i te mea e fatata te roa o te hoê pehau i te tuea i te roa o to ’na tino.

Te faaohipa ra te mau aivanaa i te hoho‘a o te pehau o teie tohora ia maitai atu â te hamaniraa o te mau faatere pahi, matini faaohuraa pape e taviri i te mata‘i. E tano atoa te reira no te mau pererau o te mau manureva tautau.

Eaha to oe mana‘o? Mea tupu noa anei te pehau o te tohora tua puu? Aore ra mea poietehia?