Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! TIURAI 2013

 MEA POIETEHIA ANEI?

Te “mata” o te maamaatai

Te “mata” o te maamaatai

PIRI atu i te aau e itehia ’i te maamaatai. Mea maere mau te hoho‘a o to ’na apu tei riro ei haana. I nia iho i tera tuhaa e vai ai te mau hi‘o haihai roa. E au atura ïa te reira ei mata no teie animara.

E hi‘o haihai maitai roa te mau puu ateate i nia i to ’na apu

A hi‘o na: Ia au i te vea Natural History, a hi‘opoa ’i te mau aivanaa i te apu o te maamaatai, ua itea ia ratou “e rave rahi puu ateate ma te hoho‘a taa ê tei rairai a‘e i te rouru taata.” Ua hamanihia te reira e te tahi huru taratiumu. Ua haapapuhia ïa e te vai ra te mau uaua uira i raro a‘e i to ’na apu a nehenehe atu ai te mau hi‘o haihai roa e ite maitai i te maramarama. Maoti te hamaniraa taa ê o tera mau hi‘o haihai roa e ite maitai ai te maamaatai.

Ia au i te aivanaa Joanna Aizenberg, “te haapapu ra te hamaniraa o taua apu ra i te tahi mana‘o faufaa: i te pae o te ihi ora, e pinepine ua rau te ohipa ta te hoê tao‘a e nehenehe e rave.”

No te hamaniraa taa ê o te maamaatai, mana‘o atura te mau aivanaa e hamani i te tahi tao‘a o te î i te mau hi‘o haihai roa hamanihia e te tahi huru taratiumu. E nehenehe e faaohipa ei ravea haapurororaa i te mau haamaramaramaraa aore ra mori maoti te mau taura hi‘o rairai.

Eaha to oe mana‘o? Mea tupu noa anei te mata o te maamaatai? Aore ra mea poietehia anei?