Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! ME 2013

 MEA POIETEHIA ANEI?

Te mata o te tuturahonui ou‘a

Te mata o te tuturahonui ou‘a

MEA taa ê mau te hamaniraa o te mata o te tuturahonui ou‘a. E nehenehe ta ’na e numera mai teihea atearaa e ou‘a ’i. E nafea?

A hi‘o na: No te ite i te atearaa o te tahi mea i te tahi atu, e faaohipa oia i to ’na na mata rahi e piti. I roto i tera na mata taitahi e vai ai e maha tuhaa o te rétine. Maoti na tuhaa e ite ra i te û matie e papu maitai ai ia ’na i ta ’na e hi‘o ra. I te tahi atu râ tuhaa eita ïa. E au ra e ia faaohipa te tuturahonui i tera tuhaa o to ’na mata e rahi mai te hoho‘a o te mea ta ’na e hi‘o ra. Mea na reira ïa oia e ite ai eaha te atearaa e tano no te ou‘a e no te haru i te tahi manumanu.

Te hinaaro ra te mau aivanaa e faaohipa i te faanahoraa o te mata o tera tuturahonui no te hamani i te pata hoho‘a 3-D oia atoa i te mau matini uira e nehenehe e ite i te atearaa o te tahi mea i te tahi atu. Mea taa ê mau ïa te mata o tera tuturahonui. O ta te reni ScienceNOW iho â ïa e parau ra: “Mea faahiahia mau ia ite e noa ’tu e e 50 milimetera to teie animara e e mea haihai a‘e to ’na roro i to te ra‘o, e nehenehe ia ’na e haapue e rave rahi haamaramaramaraa e e ohipa maoti noa te hamaniraa taa ê o to ’na nau mata.”

Eaha to oe mana‘o? Mea tupu noa anei te mata o te tuturahonui ou‘a? Aore ra mea poietehia anei?