Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! No 2 2016

 NA TE AO NEI

No te faaea i te tahi taata

No te faaea i te tahi taata

E imi na mua anei oe i te aratairaa i roto i te Bibilia? A hi‘o na i te mau mana‘o î i te paari o teie buka tahito ia faaauhia i te tupu ra i teie tau.

Initia

Ia au i te tahi titorotororaa i 2014, te mana‘o ra 61% o te feia apî i roto 18 e tae atu 25 matahiti “e ere i te mea ino faahou i Initia” ia taoto i te tahi taata na mua ’‘e i te faaipoiporaa. Ua faaite te hoê taote no Mumbai i to ’na mana‘o i roto i te vea Hindustan Times. Teie ta ’na i parau: “Aita te feia apî e mana‘o ra i te faaipoiporaa a haamatau ai i te tahi taata. E apiti noa râ te tahi no te hoê noa po, no te tahi noa mahana e aore ra no te faaea fare roa ma te ore râ e faaipoipohia.”

A FERURI NA: Mea pinepine a‘e te tahi i te mauiui e te roohia i te ma‘i purumu no te mea ua taoto o ’na i te tane aore ra te vahine hou i te faaipoiporaa aore ra i muri a‘e i te faaipoiporaa?—Korinetia 1, 6:18.

Danemata

E pohe oioi a‘e te mau melo utuafare o te tatama‘i pinepine ia naea to ratou 35 e tae atu 50 matahiti. I nia 11 matahiti i te maoro, ua hi‘opoahia 10 000 taata o tera mau faito matahiti e te feia maimi o te haapiiraa teitei no Copenhague. Ua itehia ua pohe oioi a‘e te feia i tatama‘i pinepine e te feia ta ratou e here ra. Te faataa ra te tahi tia o tera hi‘opoaraa mea faufaa ia faaafaro i te fifi, ia faaea i te faahapa e ia faahau no te ore e pohe oioi.

TE PARAU RA TE BIBILIA: “O tei ore e ru i te parau, ua noaa ia ’na te ite; e te taata i noaa ia ’na te ite ra e aau maitai to ’na.”—Maseli 17:27.

Marite

Ua ravehia te tahi titorotororaa i nia 564 hoa faaipoipo apî i Louisiane. Ua itehia mea pinepine a‘e te feia o tei taa e tei ho‘i faahou i to ratou apiti i te taime haamatauraa i te faataa ê i na pae matahiti matamua o to ratou faaipoiporaa. Hau atu â, e tatama‘i pinepine a‘e ratou e eita e oaoa mau i to ratou faaipoiporaa.

TE PARAU RA TE BIBILIA: “Ta te Atua i taati ra [i roto i te faaipoiporaa], eiaha te taata e faataa ê atu.”—Mataio 19:6.

No te ite atu â

A tiaturi i te Atua no te oaoa e to hoa faaipoipo

Ma te pahono noa i na uiraa e piti, e nehenehe oe e oaoa ’tu â e to hoa faaipoipo.