Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! No 1 2016

 TUMU PARAU MATAMUA | IA VAI HAU NOA TE UTUAFARE

Ia vai hau noa te utuafare

Ia vai hau noa te utuafare

I TO oe mana‘o, e tauturu anei te Bibilia i to utuafare ia vai hau noa? A hi‘o na i ta te Bibilia e ta te feia i uiuihia e parau ra. A feruri eaha te mau mana‘o e tauturu atu ia faaea i te tatama‘i, ia faatupu noa i te hau e ia piri atu â te mau melo o to utuafare.

 ARATAIRAA BIBILIA IA VAI NOA TE HAU

A FAAITE I TE MANA‘O MAITAI NO TE TAHI E TE TAHI.

“Eiaha roa ei mea e ravehia ma te mârô e te teoteo faufaa ore ra; ei aau haehaa râ, i te mana‘o haamaitairaa ’tu te tahi i te tahi eiaha ia ’na iho. Eiaha hoi te taata atoa e haapao i ta ’na ana‘e ihora, e haapao atoa râ i to vetahi ê ra maitai.”Philipi 2:3, 4.

“Ua taa ia mâua, mea maitai ia faaite mea faufaa a‘e to hoa faaipoipo ia oe iho e ia vetahi ê.”—Vahine, 19 matahiti faaipoiporaa.

A FAAROO MAITE NA MUA.

“E faaite atu ia ratou, . . . eiaha ei mârôrô, ia mǎrû râ, e te mamahu i te taata atoa.”Tito 3:1, 2.

“I te rahiraa o te taime, eita te tatama‘iraa e tupu ia tano te toparaa reo ia pahono tatou. Mea faufaa ia faaroo ma te ore e faahapa oioi e ia farii i te mana‘o noa ’tu aita tatou i mauruuru.”—Vahine, 20 matahiti faaipoiporaa.

A FAAITE I TE FAAOROMAI E TE MǍRÛ.

“E mǎrû mai te tavana i te faaoromai; e fatifati te ivi i te arero mǎrû.”Maseli 25:15.

“E tupu te tatama‘iraa, e faaea râ te reira ia au i te huru ta tatou e faaite. E titau-mau-hia te faaoromai. Ia na reira mâua, e itehia mai te ravea no te faaafaro i te fifi.”—Vahine, 27 matahiti faaipoiporaa.

EIAHA E HAAMAUIUI.

“E haapae atoa outou i taua mau parau atoa nei, i te riri, te tairoiro, te feii, te faaino, e te parau tiaâ i to outou vaha.”Kolosa 3:8.

“Mea faahiahia na ’u te faaoromai o ta ’u tane. E faaite noa o ’na i te mǎrû. Eita roa e tutuô, mea faatura râ ia ’u.”—Vahine, 20 matahiti faaipoiporaa.

A FAAORE NOA I TE HAPA E A FAAAFARO OIOI I TE FIFI.

“E faaoromai te tahi i te tahi, e e faaore te tahi i ta te tahi hapa, ia pariraahia ta te tahi i te tahi.”Kolosa 3:13.

“Ia tupu te fifi, e ere i te mea ohie ia faaite noa i te mǎrû. E nehenehe oe e parau aore ra e rave te tahi mea o te haamauiui i to hoa. I tera mau taime, mea maitai ia faaore i te hapa. Aita ana‘e tera huru, eita na hoa faaipoipo e oaoa.”—Vahine, 34 matahiti faaipoiporaa.

A HOROA MA TE AAU TAE E EIAHA E HAAPAO NOA IA OE.

“E horoa, e e noaa hoi ta outou. . . . O taua faito hoi ta outou e faito ra, o te faito-faahou-hia mai ïa ta outou.”Luka 6:38.

“Ua ite ta ’u tane eaha ta ’u e au e e rave noa ïa o ’na i te mea e faaoaoa ia ’u. E pinepine au i te feruri e nafea vau ia na reira atoa no ’na. E ere ïa hoê ana‘e te oaoa, o mâua toopiti râ e mai tera noa tae roa mai i teie nei.”—Vahine, 44 matahiti faaipoiporaa.

A TUTAVA I TE HAA IA VAI HAU NOA TO UTUAFARE

Tau melo utuafare noa tei uiuihia e te feia pia o te vea A ara mai na! Na te ao, e mirioni tei faaite atoa i te mau huru maitatai o te tauturu i te utuafare ia vai hau noa maoti te Bibilia. * Noa ’tu eita te tahi melo e na reira, ua ite ratou mea maitai ia riro ei taata faatupu i te hau. Teie hoi ta te Bibilia e fafau ra: “Te feia râ i faaau i te parau hau ra, e oaoaraa to ratou.”—Maseli 12:20.

^ par. 24 No te ite atu â nafea ia oaoa te utuafare, a hi‘o i te pene 14 o te buka Eaha ta te Bibilia e haapii mau ra? piahia e te mau Ite no Iehova. Te vai atoa ra i nia www.jw.org. A pata atoa i nia LA BIBLE ET VOUS > DE L’AIDE POUR LES FAMILLES.

No te ite atu â

E nafea ia faaroo maite?

Ia faaroo ana‘e oe, te faaite ra ïa oe i to here. A hi‘o e nafea ia faaroo maite.