Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! No 1 2016

 TUMU PARAU MATAMUA | IA VAI HAU NOA TE UTUAFARE

Te tatama‘iraa: Eaha te tumu?

Te tatama‘iraa: Eaha te tumu?

UA PARAU Sarah * no Ghana tei faaipoipo ia Jacob 17 matahiti i teie nei: “E pinepine mâua i te tatama‘i no te moni.” Te faataa ra o ’na: “E inoino vau, mea rahi hoi ta ’u e rave nei no te aupuru i te utuafare. Eita roa ’tu Jacob e faaite mai ehia moni ta mâua. Nehenehe tau hebedoma, eita mâua e paraparau.”

Te na ô ra ta ’na tane faaipoipo Jacob: “No te riri, e faahiti mâua i te parau mauiui mau i te tahi taime. E pinepine, aita mâua i taa i ta te tahi i hinaaro e parau e aita atoa i ite nafea ia paraparau. E tupu atoa te peapea no te mea e riri taue noa mâua.”

E taata faaipoipo apî Nathan i Initia. Te faataa ra oia i te ohipa i tupu i te hoê mahana a tatama‘i ai to ’na na metua hoovai. Te parau ra Nathan: “Ua mauiui roa to ’u metua hoovai vahine e ua faarue oia i te fare. No to ’u metua hoovai tane, aita vau i faatura ’tu i to ’u aniraa no te aha o ’na i iria ’i. I muri a‘e, o matou pauroa tei tatama‘i.”

Ua ite atoa paha oe e fifi roa te utuafare ia faahitihia te tahi parau i te taime tano ore. E riro taue te hoê aparauraa mǎrû ei tatama‘iraa. Eita iho â te taata e faahiti i te parau tano i te mau taime atoa. Mea ohie ïa ia ore ia taa i ta vetahi ê parau aore ra ia mana‘o ino. E nehenehe râ e faaafaro i te peapea e e vai hau noa.

Eaha te rave ia tupu te tatama‘iraa? E nafea ia faaafaro i te peapea i roto i te utuafare? Eaha te tia i te mau utuafare ia rave no te vai hau noa? A taio â no te ite.

^ par. 3 Ua tauihia te mau i‘oa.