Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

A ARA MAI NA! No 1 2016

 IA AU I TE BIBILIA

Eaha te tupu ia pohe tatou?

Eaha te tupu ia pohe tatou?

Ua rau te faataaraa a te mau haapaoraa no nia i te tupu ia pohe tatou. Mea papu râ ta te Bibilia e haapii ra.

Te vai ra anei te tahi mea i roto ia tatou o te ora ’tu ia pohe tatou?

TA TE TAATA E PARAU RA

E rave rahi te tiaturi te vai ra te tahi mea i roto ia tatou o te ora ’tu i muri a‘e i te pohe. Te mana‘o ra vetahi e tamau noa te hoê taata i te ora faahou i roto i te tahi atu tino i muri a‘e i te pohe. Area te tahi atu, te na ô nei e haere ïa i te ra‘i aore ra te po auahi.

TA TE BIBILIA E PARAU RA

Aita hoê a‘e mea i roto ia tatou e ora ’tu i muri a‘e i te pohe. Teie noa râ, e pohe tatou. Ia au i te peropheta Ezekiela ta te Atua hoi i faaohipa no te papai i te hoê buka o te Bibilia, e nehenehe te hoê taata e faautuahia i te pohe. Te faahiti atoa ra te Bibilia i te parau “taata pohe.” (Levitiko 21:11) Eita ïa te tahi mea i roto ia tatou e ora ’tu ia pohe tatou.

“O tei rave i te hara ra, o tei pohe ïa.”Ezekiela 18:20.

Eaha te tupu ia pohe te taata?

TA TE BIBILIA E PARAU RA

Ia pohe te taata, teie ta te Bibilia e haapapu ra: “Aore hoi e ohipa, aore e imiraa, aore hoi e ite, aore hoi e paari, i te apoo ta oe e haere na.” (Koheleta 9:10) Te na ô atoa ra: “Te ho‘i nei oia i to ’na ra repo; mou roa ’tura ta ’na i opua i taua mahana ra.” (Salamo 146:4) Aore rea ohipa ta te taata pohe e nehenehe e rave. No reira te Bibilia i faahoho‘a pinepine ai i te pohe i te “taoto.”—Mataio 9:24.

 NO TE AHA MEA FAUFAA IA ITE?

Ia pohe te feia ta oe e here ra, e hinaaro oe e ite i te pahonoraa i teie mau uiraa: Teihea ratou? Eaha te tupu i nia ia ratou? Te mauiui ra anei ratou? E topa roa to tatou hau i te ite i ta te Bibilia haapapuraa aita ratou e mauiui ra. Aita hoi a ratou e parau itea faahou.

“Aita râ a te feia i pohe ra e parau itea.”Koheleta 9:5.

Eaha te tiaturiraa no te feia pohe?

TA TE BIBILIA E PARAU RA

Ua fafau te Atua e faatia faahou mai oia i te feia ta ’na e haamana‘o ra no te ora i roto i te hoê ao apî parau-tia. A tiai noa ’tu ai râ i tera taime, e taoto noa ratou i roto i te pohe. Te hinaaro mau ra te Atua mana hope e faaara mai ia ratou. E ere anei i te mea tamahanahana?—Isaia 26:19.

No te ite atu â

Te parau haavare e mea ino te Atua

No te rahiraa, e faautua te Atua i tei rave i te hara e a muri noa ’tu. Mea ino anei te Atua? Eaha te tupu ia pohe tatou?