Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA No 3 2016

Te i‘oa o te Atua i roto i te tahi papai Bibilia tahito

Eaha ta te Bibilia e parau ra?

Eaha ta te Bibilia e parau ra?

E i‘oa anei to te Atua?

TE PARAU RA VETAHI: Aita e i‘oa to ’na. No te tahi atu, o “te Atua” aore ra “te Fatu” to ’na i‘oa. E parau atoa vetahi e rave rahi i‘oa to te Atua. Eaha to oe mana‘o?

EAHA TA TE BIBILIA E PARAU RA?

“Ia ite te taata atoa e, o Iehova to oe i‘oa, e o oe ana‘e tei Teitei i te fenua atoa nei.”—Salamo 83:18.

EAHA ’TU Â TA TE BIBILIA E HAAPII MAI RA?

  • E rave rahi tiaraa to te Atua, hoê ana‘e râ i‘oa to ’na.—Exodo 3:15.

  • Te hinaaro ra te Atua ia ite tatou o vai o ’na.—Ohipa 17:27.

  • E haamata te auhoaraa e te Atua ia ite na mua tatou i to ’na i‘oa.—Iakobo 4:8.

Mea ino anei ia faahiti i te i‘oa o te Atua?

E PAHONO ANEI OE:

  • E

  • E ere

  • Peneia‘e

EAHA TA TE BIBILIA E PARAU RA?

“Eiaha oe e faahiti faufaa ore noa i te i‘oa o to Atua ra o Iehova.” (Exodo 20:7) Te mea ino, o te faahitiraa ïa i te i‘oa o te Atua ma te tano ore.—Ieremia 29:9.

EAHA ’TU Â TA TE BIBILIA E HAAPII MAI RA?

  • Ua ite Iesu o vai te i‘oa o te Atua e ua faahiti i te reira.—Ioane 17:25, 26.

  • Te titau ra te Atua ia faahiti i to ’na i‘oa a pure ai ia ’na.—Salamo 105:1.

  • Te tamata ra te mau enemi o te Atua i te haamoe i to ’na i‘oa.—Ieremia 23:27.

 

No te ite atu â

E i‘oa anei to te Atua?

Mea rahi to te Atua tiaraa, mai te tiaraa Manahope, Atua poiete, e Fatu. Ua faahitihia râ te i‘oa o te Atua hau atu i te 7 000 taime i roto i te Bibilia.

Eaha te parau mau no nia i te Atua?

Te mana‘o ra anei oe e te tâu‘a maira te Atua ia oe? A haapii no nia i to ’na huru e e nafea ia haafatata ’tu ia ’na.