Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

TE PARE TIAIRAA No 3 2016

 TUMU PARAU MATAMUA

Ia pohe tei herehia

Ia pohe tei herehia

“Aiû e, mea maitai a‘e te vahi ta te Atua i faataa no ’na. Eiaha e ta‘i.”

Tera tei parauhia i te tahi vahine o Barbara te i‘oa i te hunaraa o to ’na papa tei pohe i roto i te hoê ati purumu.

Mea piri roa Barbara * i to ’na papa. E mana‘o maitai to to ’na hoa a parau ai mai tera, aita râ te reira i tamahanahana ia ’na. Ua feruri noa oia, ‘Eaha te vahi maitai i roto i to ’na pohe.” Tau matahiti i muri a‘e, i te taime a faatia ’i Barbara i tei tupu i roto i te hoê buka, te taahia ra aitâ to ’na mauiui i ore atura.

Mai i roto i te tupuraa o Barbara, e titauhia te taime. Mai te peu iho â râ mea piri roa te taata i toe mai i tei pohe. Mea tano mau te parau a te Bibilia, e “enemi hopea” te pohe. (Korinetia 1, 15:26) E pinepine, e pohe taue tei herehia i te taime mana‘o-ore-hia e eita roa tatou e nehenehe e tapea i te reira. E ere i te mea maere ia ore tatou e taa faahou eaha te rave i mua i tera ati e i muri a‘e.

Ua ui a‘ena paha oe: “Ehia taime te titauhia no te faaea i te oto? Eaha te rave ia pohe tei herehia? E nafea ia tamahanahana i te feia e oto ra? E tiaturiraa anei to te feia here i pohe?”

^ par. 5 Ua tauihia te i‘oa.