Eaha to roto?

Mau faaho'iraa ê

Tapura tumu parau

Ite no Iehova

Tahiti

Faaineineraa no te putuputuraa Oraraa e taviniraa  |  Tiunu 2017

 ORARAA KERISETIANO

Mea au roa ia poro i te parau apî oaoa

Mea au roa ia poro i te parau apî oaoa

Mea fifi anei no oe ia poro? No nia i teie uiraa, e pahono te rahiraa o tatou e ‘E.’ No te aha? Peneia‘e te farerei pinepine nei tatou i roto i te tuhaa fenua i te mau taata o te ore e tâu‘a mai aore ra e patoi mai aore ra e mǎta‘u tatou e paraparau i te feia ěê. Mea papu, e nehenehe to tatou oaoa e iti mai i teie mau mea. Tera râ, e haamori tatou i te hoê Atua oaoa o te hinaaro ra ia tavini tatou ia ’na ma te oaoa. (Sal 100:2; Ti1 1:11) Eaha na tumu maitai e toru e au ai tatou i te pororaa?

A tahi, e faaite tatou i te hoê poroi no nia i te tiaturiraa. Noa ’tu e iti mai to tatou tiaturiraa i roto i te totaiete i teie mahana, e nehenehe tatou e faaî i te aau o te taata i “te parau oaoa e te maitai.” (Isa 52:7) E î atoa râ to tatou aau i te oaoa i te parau apî oaoa o te Faatereraa arii a te Atua. Hou râ tatou e haere ai e poro, a feruri maite ana‘e i te mau haamaitairaa ta te Faatereraa arii a te Atua e hopoi mai i te fenua nei.

Te piti, e faufaahia te parau apî oaoa ta tatou e poro ra i te taata, i te pae tino e i te pae varua. E haapii ratou i te haapae i te mau ohipa iino e i te fana‘o i te tiaturiraa o te ora mure ore. (Isa 48:17, 18; Ro 1:16) E nehenehe tatou e feruri ia tatou e rave ra i te ohipa paimiraa e faaoraraa taata. Noa ’tu aita te tahi mau taata e hinaaro ra ia faaorahia ratou, e tamau tatou i te imi i te feia e hinaaro ra i te ora.—Mt 10:11-14.

Te toru, e te mea faufaa roa ’‘e, e faahanahana ta tatou pororaa ia Iehova. Te haafaufaa rahi nei oia i ta tatou ohipa pororaa. (Isa 43:10; Heb 6:10) Hau atu â, e horoa mai Iehova ma te aau tae i to ’na varua mo‘a no te rave i ta ’na ohipa. E taparu ana‘e ia Iehova ia horoa mai i te oaoa, hoê huru maitai o te hotu o te varua mo‘a. (Ga 5:22) Maoti ta ’na tauturu, e nehenehe tatou e faaruru i to tatou mau ahoaho e e poro ma te mǎta‘u ore. (Ohi 4:31) No reira, noa ’tu eaha te huru o te taata, e au roa tatou i ta tatou hopoia e poro.—Ezk 3:3.

Eaha te huru feruriraa ta oe e hinaaro e faatupu i roto i te taviniraa? E nafea oe e faaite ai i te oaoa?

A MATAITAI I TE VIDEO E NOAA FAAHOU TE OAOA MAOTI TE HAAPIIRAA E TE FERURIRURIRAA E A PAHONO I TEIE MAU UIRAA:

  • No te aha mea tia ia tuu tatou i ta tatou haapiiraa Kerisetiano i te parahiraa matamua, noa ’tu e faataa tatou e rave rahi hora i roto i te pororaa i te ava‘e tataitahi?

  • I roto i teihea tuhaa e pee ai tatou i te hi‘oraa o Maria?

  • Afea tatou e rave ai i te taime no te feruri maite i nia i te Parau a te Atua?

  • Eaha ta oe e au roa ia poro oe i te parau apî oaoa?