Eaha to roto?

Tapura tumu parau

 ORARAA KERISETIANO

“A tamau noa i te haafaufaa i teie mau mea atoa”

“A tamau noa i te haafaufaa i teie mau mea atoa”

Eaha teie mau mea atoa? Te parau ra te Philipi 4:8 ia haafaufaa i te mau mea e nehenehe e tiaturi, te mea tura, te mau mea tia, te mau mea viivii ore, te mau mea e faatupu i te here, te mau mea e au ia haapopouhia, te mau mea maitatai e te mau mea e au ia aruehia. Papu maitai e ere te auraa e mea tia i te Kerisetiano ia feruri i te Bibilia noa i te mau taime atoa. Tera râ, e titauhia ia feruriruri i nia i te mau mea ta Iehova e au ra. Aita tatou e feruri i te mau mea e haafifi ia tatou ia vai taiva ore i te Atua.—Sal 19:14.

Mea fifi ia ape i te mau mana‘o tano ore. E mea tia ia aro i to tatou huru taata tia ore, oia atoa i te mau tamataraa a Satani, ‘te atua o teie faanahoraa o te ao nei.’ (Ko2 4:4) Na ’na e faatere ra i te mau ravea haapurororaa o te ao nei. Mea ino ïa te rahiraa o tei patahia i te afata teata, i te radio, i nia i te reni natirara e o tei papaihia. E mea tia ia maiti maitai i te mau mea ta tatou e faaô i roto i to tatou feruriraa no te mea e faahopearaa to te reira i nia i to tatou huru feruriraa e ta tatou mau ohipa.—Iak 1:14, 15.

A MATAITAI I TE VIDEO A APE I TE NEHENEHE E HAAFIFI I TO TATOU TAIVA-ORE-RAA: TE MAU FAAANAANATAERAA TANO ORE E A PAHONO I TO MURI NEI MAU UIRAA:

  • Eaha ta te taeae i mataitai i nia i ta ’na niuniu paraparau afaifai e eaha te mau faahopearaa i nia ia ’na?

  • E nafea te Galatia 6:7, 8 e te Salamo 119:37 i tauturu ai ia ’na?