Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

FAAINEINERAA NO TE PUTUPUTURAA ORARAA E TAVINIRAA KERISETIANO TETEPA 2016

 ORARAA KERISETIANO

A ape i teie mau huru raveraa a faatere ai i te hoê haapiiraa Bibilia

A ape i teie mau huru raveraa a faatere ai i te hoê haapiiraa Bibilia
TAUI TE FAAITERAA
Hoho'a
Papai

E paraparau rahi: Aita e titauhia ia faataa oe i te mau mea atoa. Ua faaohipa Iesu i te mau uiraa no te tauturu i te taata ia feruri e ia faaoti eaha te tano. (Mt 17:24-27) Mea oraora maitai te haapiiraa ia faaohipahia te mau uiraa e e tauturu te reira ia ite eaha ta te piahi i taa e i tiaturi. (be-F 253 par. 3-4) Ia tuu tatou i te hoê uiraa, eiaha e ru, a tiai i te pahonoraa. Ia hape te pahonoraa, eiaha e horoa i te pahonoraa tano, a aratai râ ia ’na i te pahonoraa tiaihia ma te tuu hau atu â uiraa (be-F 238 par. 1-2) Eiaha e faataa vitiviti noa te mau haapiiraa, a faatano râ, ia apo maitai te piahi i te mau mana‘o apî.—be-F 230 par. 4.

E faananea te parau: Eiaha e hohora roa ’tu i to oe ite i nia i te tumu parau. (Ioa 16:12) A haapao i te mana‘o faufaa o te paratarafa. (be-F 226 par. 4-5) E nehenehe te mau faataaraa, noa ’tu mea anaanatae, e faaatea ê ia tatou i te mana‘o faufaa. (be-F 235 par. 3) Ua taa ana‘e i te piahi eaha te mana‘o faufaa, a nuu atu i te paratarafa i mua.

E horo noa: Ta tatou fa, o te haaputapûraa ïa i te aau, e ere te tae-vitiviti-raa i te hopea o te buka. (Lu 24:32) A faaohipa i te puai o te Parau a te Atua no te haamataratara i te mau irava faufaa o te haapiiraa. (Ko2 10:4; Heb 4:12; be-F 144 par. 1-3) A faaohipa i te mau hoho‘a ohie ia taa. (be-F 245 par. 2-4) A hi‘opoa i te mau tautooraa e te mau tiaturiraa a te piahi e a faatano i te haapiiraa ia ’na. A ui ia ’na: “Eaha to oe mana‘o no nia i ta oe i haapii mai i ǒ nei?” “Eaha ta te reira e haapii mai no nia ia Iehova?” “E nafea oe e faufaahia ’i i te peeraa i teie aratairaa?”—be-F 238 par. 3-5; 259 par. 2.