Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

FAAINEINERAA NO TE PUTUPUTURAA ORARAA E TAVINIRAA KERISETIANO TENUARE 2017

 ORARAA KERISETIANO

A haamana‘o i te pure no te mau Kerisetiano hamani-ino-hia

A haamana‘o i te pure no te mau Kerisetiano hamani-ino-hia

Ua tohu te Bibilia e e hamani ino Satani ia tatou no te tamata i te tapea i ta tatou taviniraa. (Ioa 15:20; Apo 12:17) E nafea ia tauturu i to tatou mau taeae Kerisetiano o te faaruru ra i te hamani-ino-raa i roto i te tahi atu mau fenua? E nehenehe tatou e pure no ratou. “Te pure faau‘ana a te taata parau-tia ra, e mea tia-rahi-hia mai ïa.”—Iak 5:16.

Eaha te nehenehe e ani i roto i te pure? E nehenehe tatou e ani ia Iehova ia faaitoito e ia tauturu i to tatou mau taeae e tuahine ia ore ratou e riaria. (Isa 41:10-13) E nehenehe atoa tatou e pure ia farii te mau tia faatere i te ohipa pororaa, “ia parahi hauti-ore-hia tatou ma te hau.”—Ti1 2:1, 2.

I to Paulo e Petero hamani-ino-raa-hia, ua pure te mau Kerisetiano o te senekele matamua ma te faahiti i to raua i‘oa. (Ohi 12:5; Ro 15:30, 31) Noa ’tu aita tatou i ite i te mau i‘oa o tei hamani-ino-hia i teie mahana, e nehenehe tatou e faahiti i ta ratou amuiraa, to ratou fenua aore ra oire.

A papai i te mau fenua e hinaaro oe e pure no te mau Kerisetiano hamani-ino-hia no reira.