Eaha to roto?

Mau faaho'iraa ê

Tapura tumu parau

Ite no Iehova

Tahiti

Faaineineraa no te putuputuraa Oraraa e taviniraa  |  Novema 2017

 ORARAA KERISETIANO

Ia aravihi atu â i roto i te taviniraa no te hoê farerei-faahou-raa

Ia aravihi atu â i roto i te taviniraa no te hoê farerei-faahou-raa

NO TE AHA E MEA FAUFAA ’I? E rave rahi taata o te anaanatae ra i te poroi o te Faatereraa arii te imi ra i te parau mau no nia i te Atua. (Isa 55:6) No te haapii riirii ia ratou, mea titauhia ia haere tamau tatou e farerei ia ratou. Te faaruru ra te taata e rave rau fifi, e faatano ïa tatou i te huru tatou e faatupu ai i to ratou anaanatae. Tera râ, e aravihi atu â tatou ia faaineine maitai tatou e ia haamau tatou i te hoê fa i te farerei-faahou-raa tataitahi, no te haamata i te hoê haapiiraa Bibilia i muri a‘e.

NAFEA ÏA?

  • E tamata tatou i te ho‘i oioi atu e farerei ia ratou, peneia‘e tau mahana i muri a‘e.—Mt 13:19

  • A haa mai te hoê hoa i nia ia ’na e a faatura ’tu

  • A haamata ma te aroha maitai atu. A faahiti i to ’na i‘oa. A haamana‘o atu ia ’na no te aha oe i ho‘i mai ai e hi‘o ia ’na, peneia‘e no te pahono i te hoê uiraa, no te afai mai i te vea apî, no te faaite ia ’na i ta tatou reni Internet, no te faaite i te hoê video aore ra no te faaite e nafea e faaterehia ’i te hoê haapiiraa Bibilia. A faatano i ta oe e parau mai te peu e faaite mai oia i te anaanatae no te tahi atu tumu parau.—Php 2:4

  • A pîpî i te huero o te parau mau i roto i to ’na aau ma te faaite atu i te hoê mana‘o Bibilia e peneia‘e ma te vaiiho atu i te hoê papai. (Ko1 3:6) A tamata i te faatupu i te hoê auhoaraa e o ’na

  • A faaineine i te taata no to muri mai farerei-faahou-raa