Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

FAAINEINERAA NO TE PUTUPUTURAA ORARAA E TAVINIRAA KERISETIANO TENUARE 2016

 ORARAA KERISETIANO

Ia aravihi atu â i roto i te taviniraa—A faaineine i te taata no te ho‘i faahou e farerei ia ’na

Ia aravihi atu â i roto i te taviniraa—A faaineine i te taata no te ho‘i faahou e farerei ia ’na

NO TE AHA E MEA FAUFAA ’I?

Te hinaaro nei tatou e faarari i te pape i te mau huero o te parau mau ta tatou i tanu. (Ko1 3:6) Ia farerei tatou i te hoê taata tei anaanatae, mea maitai ia tuu i te hoê uiraa ta tatou e pahono atu i te ho‘i-faahou-raa e farerei. E faatupu atu â te reira i to ’na anaanatae e e faaohiehia ta tatou faaineineraa no te ho‘i faahou e farerei ia ’na. E parau ïa tatou e ua haere mai tatou no te pahono i te uiraa tei tuuhia i te farereiraa i mairi a‘enei.

NAFEA ÏA?

  • A faaineine ai oe i ta oe e parau no te pororaa i tera e tera fare, a faaoti eaha te uiraa ta oe e tuu no te ho‘i faahou e farerei i te taata. E uiraa paha no nia i te hoê tumu parau faahitihia i roto i te papai ta oe e pûpû ra ia ’na aore ra i roto i te tahi atu papai haapiiraa ta oe e vaiiho i te ho‘i-faahou-raa e farerei.

  • Ia hope te aparauraa e te taata e faatupu ra i te anaanatae, a faaite e te hinaaro mau nei oe e tauaparau faahou ia ’na e a tuu i te uiraa ta oe i faaineine. Ia nehenehe, a ani atu e nafea ia farerei faahou ia ’na.

  • Ia parau oe afea oe e ho‘i faahou e farerei ia ’na, a tapea i ta oe parau.—Mt 5:37.