Faatanoraa no te "mode accessibilité"

Search

Maiti te reo

Mau faaho'iraa ê

Tapura tumu parau

Eaha to roto?

Ite no Iehova

Tahiti

FAAINEINERAA NO TE PUTUPUTURAA ORARAA E TAVINIRAA KERISETIANO MATI 2016

 A RAVE MAITE I TA OE TAVINIRAA

Ia aravihi atu â i roto i te taviniraa—A faaineine i ta oe iho hi‘oraa no te pûpû i te vea

Ia aravihi atu â i roto i te taviniraa—A faaineine i ta oe iho hi‘oraa no te pûpû i te vea
TAUI TE FAAITERAA
Hoho'a
Papai

NO TE AHA E MEA FAUFAA ’I? E faufaahia oe i te mau hi‘oraa no te pûpû i te vea itehia i roto i te Faaineineraa no te putuputuraa. Eiaha râ e moe, e hi‘oraa noa te reira. E titauhia ia faaohipa i ta oe iho mau parau. Peneia‘e e hinaaro oe e taui i ta oe e parau. No oe, e mea maitai a‘e paha te tahi atu tumu parau no ta oe tuhaa fenua. No reira, a taio i te vea, a hi‘opoa i te mau hi‘oraa no te pûpû e a mataitai i te video faataahia no te pûpû i te vea. I muri iho, e nehenehe oe e faaohipa i to muri nei mau mana‘o tauturu no te faaineine i ta oe iho hi‘oraa no te pûpû.

NAFEA ÏA?

A feruri na: “Te hinaaro ra anei au e faaohipa hoê o te mau hi‘oraa no te pûpû?”

E

  • A faaineine i ta oe mau parau matamua. I muri a‘e i te aroharaa i te taata, a faaite poto atu eaha te tumu o to oe tere. (Hi‘oraa: “Tei ǒ nei au no te . . .”)

  • A feruri e nafea oe e tuu ai i te uiraa e e faaite ai i te irava e i te papai. (Hi‘oraa: No te faaite i te irava, e nehenehe oe e parau: “E itehia te hoê pahonoraa papu maitai i teie uiraa i ǒ nei.”)

AITA

  • A maiti i te tahi tumu parau o te vea ta oe e au a‘e e o te tano no ta oe tuhaa fenua

  • A faaoti eaha te uiraa mana‘o ta oe e faaohipa no te huti i te ara-maite-raa o te taata e no te tauaparau ia ’na ma te ore e faahuru ê atu. (Hi‘oraa: Te mau uiraa e vai ra i te api 2 o te mau vea.)

  • A maiti i te irava ta oe e taio. (Ia pûpû oe i te A ara mai na!, eita e faufaa ia taio i te tahi irava no te mea ua piahia teie vea no te feia mea iti to ratou ite no nia i te Bibilia aore ra o te ore e tiaturi nei i te haapaoraa.)

  • A faaineine hoê aore ra piti pereota no te faataa e nafea te taata e faufaahia ’i i te taioraa o te vea

NOA ’TU TE PAHONORAA

  • A faaineine i te uiraa ta oe e tuu no te ho‘i faahou e farerei i te taata

  • A tapaopao i te reira no te haamana‘o i ta oe e parau ia ho‘i faahou mai oe