Eaha to roto?

Mau faaho'iraa ê

Tapura tumu parau

Ite no Iehova

Tahiti

Faaineineraa no te putuputuraa Oraraa e taviniraa  |  Eperera 2016

 ORARAA KERISETIANO

Tuhaa apî no te haamata i te aparauraa

Tuhaa apî no te haamata i te aparauraa

Mai Tenuare 2016, e itehia te hoê tuhaa apî “Eaha ta te Bibilia e parau ra?” i te api hopea o Te Pare Tiairaa no te taatoaraa. E tauturu mai te reira ia haamata i te aparauraa no nia i te mau tumu parau Bibilia. Hoê â huru raveraa e ta tatou mau api parau. Te vai ra hoê uiraa mana‘o, te tahi pahonoraa Bibilia e te tahi atu mau mana‘o no te aparauraa.

Pinepine te mau tauaparauraa au maitai no nia i te tahi tumu parau Bibilia e aratai i te haapiiraa Bibilia. A faaohipa i tera tuhaa apî no te tauturu i te taata ia haamâha i to ratou mau hinaaro i te pae varua.—Mt 5:6.

E NAFEA IA FAAOHIPA I TERA TUHAA:

  1. A ani i to te taata mana‘o no nia i te hoê o te mau uiraa

  2. A faaroo e a haafaufaa i ta ’na pahonoraa

  3. A taio i te irava i raro a‘e i te tumu parau “Eaha ta te Bibilia e parau ra?” A ani i to ’na mana‘o no nia i te irava. Ia taimehia, a tamau i te aparauraa ma te faaohipa i te tahi mana‘o i raro a‘e i te tumu parau “Eaha ’tu â ta te Bibilia e haapii mai ra?”

  4. A pûpû i te vea

  5. A faanaho no te ho‘i faahou e farerei ia ’na e a tauaparau i nia i te piti o te uiraa