Eaha to roto?

Tapura tumu parau

 ORARAA KERISETIANO

Nafea ia haapuai i te mau taairaa o to oe faaipoiporaa?

Nafea ia haapuai i te mau taairaa o to oe faaipoiporaa?

E hi‘oraa maitai to Aberahama raua Sara no te mau hoa faaipoipo atoa. Oia mau, ua here e ua faatura te tahi i te tahi. (Ge 12:11-13; Pe1 3:6) E ere râ to raua faaipoiporaa i te mea tia roa, ua faaruru raua i te fifi e rave rahi. Eaha te haapiiraa ta te mau hoa faaipoipo e huti mai maoti te hi‘oraa o Aberahama raua Sara?

A tauaparau. Ia paraparau to oe hoa faaipoipo ia oe ma te riri, a pahono ma te haehaa. (Ge 16:5, 6) A faataa i te taime e to oe hoa faaipoipo. Maoti te mau parau e ohipa, a haapapu atu e te here ra oe ia ’na. Te mea faufaa roa ’‘e, a haafaufaa i to orua auhoaraa e o Iehova ma te haapii i te Bibilia, ma te pure e ma te tavini amui ia Iehova. (Koh 4:12) E faahanahana te mau faaipoiporaa puai ia Iehova no te mea o o ’na te tumu o teie faanahoraa mo‘a.

A MATAITAI NA I TE VIDEO E NAFEA IA HAAPUAI I TE TAAIRAA O TE FAAIPOIPORAA, E A PAHONO NA I TO MURI NEI MAU UIRAA:

  • I roto i te video, eaha te tahi mau tapao tei faaite e tei atea noa ’tura Shaan raua Kiara te tahi i te tahi?

  • No te aha e mea faufaa roa ’i ia paraparau ma te aau tae e to oe hoa faaipoipo?

  • Nafea te hi‘oraa o Aberahama raua Sara i tauturu ai ia Shaan raua Kiara?

  • Eaha ta Shaan raua Kiara i rave no te haapuai i to raua faaipoiporaa?

  • No te aha eiaha e titau i te hoê faaipoiporaa tia roa?

E nehenehe oe e haapuai i te mau taairaa o to oe faaipoiporaa!