Eaha to roto?

Tapura tumu parau

 ORARAA KERISETIANO

“A faarue i te mau atua ěê”

“A faarue i te mau atua ěê”

Noa ’tu aita â Iehova i horoa i te hoê ture no te opani i te haamoriraa idolo, ua ite Iakoba e mea tia ia haamori ia Iehova ana‘e. (Ex 20:3-5) I muri a‘e i to Iehova parauraa ia Iakoba ia ho‘i i Betela, ua faaue Iakoba i te mau taata ia ’na ra ia faarue i ta ratou mau idolo. Ua faarue atura Iakoba i te mau idolo, oia atoa te mau tapea tari‘a tei oomohia paha ei taritoa. (Ge 35:1-4) Mea papu, ua oaoa Iehova i ta Iakoba i rave.

I teie mahana, nafea ia haamori ia Iehova ana‘e? Na mua roa, ma te ape i tei taaihia i te haamoriraa idolo aore ra te ohipa tahutahu. Ma te faarue i te mau tao‘a atoa taaihia i te peu tahutahu e ma te hi‘opoa maitai i ta tatou mau faaanaanataeraa. Ei hi‘oraa, a ui: “Mea au anei na ’u te mau buka e hoho‘a teata no nia i te mau aiharu, te tupapau e te ohipa manamana? I roto i ta ’u mau faaanaanataeraa, faarirohia anei te ohipa manamana e pifao ei mea ino ore?” Eiaha e piri noa ’tu i tera mau mea atoa ta Iehova e riri ra.—Sal 97:10.

A MATAITAI I TE VIDEO ‘A PATOI I TE DIABOLO’ E A PAHONO I TEIE MAU UIRAA:

  • Eaha te fifi faaruruhia e te hoê piahi o Palesa te i‘oa?

  • No te aha e faaotiraa î i te paari ia ani i te tauturu a te mau matahiapo ia faaruru oe aore ra te tahi atu taata i te hoê fifi taaihia i te peu tahutahu?

  • A patoi i te Diabolo e a faafatata ’tu i te Atua.—Iak 4:7, 8

    Ia hinaaro tatou i ta Iehova parururaa, e titauhia ia faarue roa i teihea mau mea?

  • Eaha ta Palesa i rave oioi?

  • I to oe fenua, eaha te mau ravea no te ore e topa i roto i te mau ohipa taaihia i te mau demoni?