Eaha to roto?

Mau faaho'iraa ê

Tapura tumu parau

Ite no Iehova

Tahiti

Faaineineraa no te putuputuraa Oraraa e taviniraa  |  Eperera 2017

 ORARAA KERISETIANO

A farii maitai ia ratou

A farii maitai ia ratou

A farii maitai ia vai? Te mau taata atoa o te haere mai i ta tatou mau putuputuraa Kerisetiano, te feia o tei tae apî mai, tae noa ’tu i te feia mea maoro outou i te matauraa. (Ro 15:7; Heb 13:2) Peneia‘e e hoa Kerisetiano o te ratere mai i ǒ tatou nei aore ra e Kerisetiano o tei faaea i te poro aore ra i te haere i te putuputuraa e rave rahi matahiti i teie nei e a tahi ra oia e ho‘i faahou mai ai. A feruri na o oe tera. Eita anei oe e au ia farii-maitai-hia oe? (Mt 7:12) Mea maitai ïa ia tutava ’tu â tatou i te haere e farii e e aroha ia vetahi ê na mua e i muri a‘e i te putuputuraa. E tauturu te reira ia faatupu i te here i roto i te amuiraa. E faahanahana atoa te reira ia Iehova. (Mt 5:16) Parau mau, eita e nehenehe e paraparau i te mau taata atoa tei putuputu mai. Tera râ, pauroa o ratou te oaoa ia rave tatou i ta tatou tuhaa. *

E farii maitai tatou i te taata i te mau taime atoa, eiaha noa i te mau tupuraa taa ê mai te Oroa haamana‘oraa. Ia ite te feia o tei tae apî mai i te here Kerisetiano, eita e ore e e hinaaro roa ratou e arue i te Atua, a apiti atoa mai ai i roto i te haamoriraa viivii ore.—Ioa 13:35.

^ par. 3 E faaueraa tumu Bibilia te taotia ra ia tatou ia ore tatou e amuimui i te feia tiavaruhia aore ra i te feia o tei ani ia tatarahia ratou i te faanahonahoraa.—Ko1 5:11; Io2 10.