Eaha to roto?

Mau faaho'iraa ê

Tapura tumu parau

Ite no Iehova

Tahiti

Faaineineraa no te putuputuraa Oraraa e taviniraa  |  Eperera 2017

 ORARAA KERISETIANO

E nehenehe oe e faaitoito i tei paruparu

E nehenehe oe e faaitoito i tei paruparu

I te Mahana piti 11 no Eperera, e rave rahi Kerisetiano ua faaea i te poro aore ra i te haere i te putuputuraa, o te apiti mai i te Oroa haamana‘oraa. Ua haamata ratou i te horo i te hororaa no te ora, ua paruparu râ i muri iho no e rave rau tumu. Te vai ra te tahi mau tumu i roto i te buka rairai A ho‘i mai ia Iehova ra. (Heb 12:1) Tera râ, mea faufaa roa ratou no Iehova, o tei hoo mai ia ratou i te toto o ta ’na Tamaiti. (Ohi 20:28; Pe1 1:18, 19) E nafea tatou e tauturu ai ia ratou ia ho‘i mai i roto i te amuiraa?

E tutava te mau matahiapo i te imi e i te tauturu i teie mau Kerisetiano mai te hoê tiai mamoe o te imi maite i te mau mamoe o tei atea ê i te nǎnǎ. (Lu 15:4-7) Te faaite ra te reira i to Iehova haapao maitai î i te here. (Ier 23:3, 4) E nehenehe tatou pauroa, eiaha noa te mau matahiapo, e faaitoito ia ratou. Mea au na Iehova ia hamani maitai tatou ia vetahi ê e ia faaite atu tatou i te aumihi. E oaoa atoa tatou ia na reira. (Mas 19:17; Ohi 20:35) A feruri ïa o vai ta oe e nehenehe e faaitoito, e a na reira, eiaha e haamarirau!

A MATAITAI I TE VIDEO FAAITOITO I TEI PARUPARU, E A HI‘OPOA I TEIE MAU UIRAA:

  • Eaha ta Abbey i rave i to ’na farereiraa i te hoê Ite no Iehova o ta ’na i ore i matau?

  • No te aha e tia ia haafatata ’tu i te mau matahiapo ia hinaaro tatou e tauturu i tei faaea i te poro aore ra i te haere i te putuputuraa?

  • E nafea Abbey i faaineine ai no te ho‘i e farerei ia Laura?

  • Mea nafea Abbey i te faaiteraa i te tuutuu ore, te faaoromai, e te here a tamata ’i i te faaitoito ia Laura?

  • Eaha te nehenehe e haapii mai i te faahoho‘araa a Iesu i roto i te Luka 15:8-10?

  • Eaha te mau haamaitairaa tei itehia maoti te mau tutavaraa amui no te tauturu ia Laura?